Strategjia e Shoqatës Mikrofinanca Shqiptare për 2021 dhe anëtarësimet e reja

Strategjia e Shoqatës Mikrofinanca Shqiptare

Shoqata Mikrofinanca Shqiptare miraton Strategjinë për vitin 2021 dhe njofton anëtarësime të reja
Shoqata Mikrofinanca Shqiptare (AMA), në mbledhjen e rradhës së Asamblesë së Anëtarëve, miratoi
strategjinë e veprimtarisë për vitin 2021. Edhe gjatë këtij viti, shtyllat kryesore të veprimtarisë do
përqëndrohen në promovimin e sektorit, arritjeve dhe sfidave të tij, advokimit dhe përfaqësimit
kundrejt politikëbërësve, rregullatorëve dhe aktorëve të tjerë të tregut, rritjes së nivelit të edukimit
dhe përfshirjes financiare, si edhe rritjes së kapaciteteve të aëntarëve dhe forcimit të bashkëpunimit
mes tyre.

Një përparësi e vecantë edhe këtë vit do vijojë t’i jepet misionit social të aktivitetit të
mikrofinancës, ndikimit që ai ka në shoqëri nëpërmjet uljes së varfërisë dhe rritjes së punësimit, dhe
gjatë këtij viti është planifikuar një studim i posacëm për të matur dhe vlerësuar këtë ndikim.

Shoqata Mikrofinanca Shqiptare është e vendosur për të arritur të gjitha qëllimet e saj gjatë vitit 2021
nëpërmjet aktiviteteve të shumta të planifikuara për këtë vit si: studime tregu për të treguar dhe
kuptuar me tepër mbi rolin konkret që mikrofinanca ka në përmirësimin e cilësisë së jetës së individit,
tryeza të ndryshme diskutimi dhe pjesëmarrje aktive me ndikim direkt në kuadrin rregullator të
mikrofinancës për të mundësuar më shumë akses në financim, si dhe trajnime për anëtarët e saj dhe
punonjësit e tyre për të përshpejtuar digjitalizimin e shërbimeve mikrofinanciare, dhe për të krijuar
edhe më tepër mundësi dhe fleksibilitet për qytetarët.

Presidencën e rradhës edhe për këtë vit do ta mbajë Institucioni Financiar Jo-Bankë Kredo Finance,
nëpërmjet kontributit të Drejtores Ekzekutive të tij, znj. Arlinda Muja, mandati i së cilës mbaron në
fund të vitit 2021.

Gjithashtu, Shoqatës Mikrofinanca Shqiptare i janë bashkuar dy anëtarë, AgroKredit sh.a., i cili
riaktivizoi raportet me Shoqatën gjatë vitit 2020, si edhe AK – Invest sh.a., i cili i është bashkuar
Shoqatës si anëtar me të drejta të plota që nga fillimi i këtij viti. Me këto zhvillime, së bashku me
anëtarët aktualë – Agro & Social Fund, Crimson Finance Fund Albania, FedInvest SHKK, Fondi BESA,
IuteCredit Albania, Kredo Finance, NOA, dhe UniFin SHKK, numri i anëtarëve të Shoqatës shkon në
dhjetë Institucione Financiare Jo-Banka dhe Shoqëri Kursim Krediti. Shoqata Mikrofinanca Shqiptare
në planet e veta synon përfshirjen e të gjithë institucioneve financiare jo-banka që e gjejnë veten në
aktivitetin, prioritetet dhe misionin e saj.
Rreth AgroKredit sh.a.

Agrokredit sh.a është subjekt financiar Jo-bankë, i krijuar në vitin 1999, me 30 degë me shtrirje në të
gjithë Shqipërinë, dhe me treg të synuar më shumë se 50% të popullsisë. Misioni i Agrokredit është të
sigurojë produkte, mbështetje dhe ekspertizë financiare e më gjerë, direkt apo nëpërmjet partnerëve
të vet për sipërmarrjet, familjet dhe komunitetet në zonat rurale, suburbane dhe turistike, duke u
mundësuar atyre rritje të shpejtë dhe të qëndrueshme të të ardhurave dhe mirëqënies.

Agrokredit sh.a. ka dhënë gjatë jetëgjatësisë së saj 90 mln Euro kredi në më shumë se 33 mijë individë
dhe sipërmarrje. Shoqëria Agrokredit sh.a. është i vetmi subjekt i fokusuar në zhvillimin e zonave
rurale, suburbane dhe turistike.
Rreth AK – Invest sh.a.

AK-INVEST sh.a, Institucion Financiar, i regjistruar me Vendimin e Gjykatës Tiranë nr. 28915 në janar
2003, operon në tregun financiar të Shqipërisë duke ofruar shërbime financiare 1.5 milion klientëve
në më shumë se 350 degë në të gjithë territorin shqiptar. AK-Invest është i licencuar nga Banka
Qendrore e Shqipërisë në vitin 2003 për të ofruar shërbimet e mëposhtme financiare: Kredidhënie
(individ / biznes), faktoring, garanci dhe angazhime bankare, pagesa (ndërkombëtare / vendase),
transferta parash, pagesa utilitare, siguracion jo – jetë, forex, ndërmjetësim dhe konsulencë
financiare.

AK-INVEST sh.a është Partner i MoneyGram International për Shqipërinë. Me një partneritet të
qëndrueshëm me operatorët e tjerë financiarë në treg, AK – Invest u ofron klientëve siguri dhe besim
si gurë themelorë të biznesit financiar. AK – Invest është një Institucion Financiar i përshtatur për
klientët individë dhe bizneset e vogla e të mesme. Në 2017 AK- Invest u bë aksionar në Bursën e
Tiranës. AK-Invest është anëtar i SËIFT, me kodin BIC AKIVALTR.

Rreth Shoqatës Mikrofinanca Shqiptare

Shoqata Mikrofinanca Shqiptare është një organizatë sektoriale e themeluar në vitin 2006, e cila
bashkon institucionet financiare kredidhënëse më të rëndësishme në vend. Institucionet anëtare të
Shoqatës Mikrofinanca Shqiptare janë kthyer në promotore të zhvillimit ekonomiko-social dhe në
aktorë të edukimit financiar të sipërmarrjeve private, agro-biznesit dhe individëve. Anëtarët aktualë
të Shoqatës Mikrofinanca Shqiptare janë Agro&Social Fund shpk, Agrokredit sh.a., AK-Invest sh.a.,
Crimson Finance Fund Albania shpk, Fondi Besa sh.a., Fed Invest SHKK, IuteCredit Albania sh.a.,
Kredo Finance shpk , NOA sha, UniFin SHKK.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0