Start up-et të cilat mundësojnë mësimin në distancë për komunitetet e varfra - Business Magazine Albania

Start up-et të cilat mundësojnë mësimin në distancë për komunitetet e varfra

Pandemia e Covid-19 ishte ajo e cila preku shumë fusha të jetës, për mos të thënë të gjitha. Duke filluar nga mënyra se si ne mund të sigurojmë nevojat tona bazë e deri tek mënyra se si punojmë apo dhe mund të mbajmë kontakt me njëri-tjetrin. Një prej themeleve bazë të shoqërisë i cili u prek dhe pësoi ndryshime thelbësore ishte dhe edukimi. Izolimi dhe mungesa e të qenit prezent fizikisht, vuri akoma dhe më shumë në pah problemet me të cilat përballet shoqëria si dhe pamundësinë e shumë familjeve për të aksesuar teknologjinë e nevojshme për edukimin e fëmijëve të tyre.

Megjithatë janë 3 start up-e, pjesë e komunitetit Top Innovators UpLink të World Economic Forum, të cilat synojnë ta trajtojnë problemin në fjalë. Duke përdorur teknologji me kosto të ulët dhe lehtësisht të aksesueshme, për t’ju ardhur në ndihmë nxënësve më pak të privilegjuar në botë.

Learnable

Learnable përdor Inteligjencën Artificiale, machine learning dhe realitetin e shtuar, duke i ndihmuar mësuesit të krijojnë burime të pasura për studimin, që mund t’i ndajnë nëpërmjet aplikacioneve mobile specifike apo WhatsApp. Aplikacioni u krijua duke pasur në mendje mësuesit në Afrikë, duke u dhënë mundësinë të dërgojnë apo të marrin përmbajtje të kuruara me cilësi të lartë.

Në këtë mënyrë, themeluesi Shoriwa Shaun Benjamin shpreson të ndihmojë në kapërcimin e hendekut dixhital, që pengon shumë nxënës të kenë akses në përmbajtje mësimore, për shkak të mungesës së teknologjisë së përshtatshme apo lidhjes me internet. Learnable përdor teknologjinë për të thjeshtuar procesin e krijimit të leksioneve, si dhe vlerësimit dhe menaxhimit të rezultateve të studentëve.

Ekatra

Ekatra deklaron se është platforma e parë e të mësuarit low-data/no-data, nëpërmjet mesazheve tekst, duke u lejuar nxënësve të marrin pjesë në mikro-kurse. Platforma ndihmon institucionet të krijojnë dhe të shpërndajnë mikro-mësime, dhe thotë se është një instrument i të mësuarit dixhital efikas dhe eficient.

Ekatra mbështet organizatat e fokusuara në ndihmë të nxënësve pak të privilegjuar të shkollave të mesme, të përgatiten për karrierën, duke u mësuar atyre aftësi të rëndësishme për punën dhe jetën. Duke qenë se Ekatra mbështetet në teknologji me tekst dhe audio, mund të jetë e aksesueshme nga kushdo që zotëron një celular – nuk është i nevojshëm një aplikacion apo pajisje e veçantë.

E ndërkohë që një nxënës mund të përdorë teknologjitë bazë, procesi i zhvillimit përdor instrumente të Inteligjencës Artificiale dhe të machine learning për të automatizuar procesin, duke e bërë të përshtatshëm për zbatim në shkallë të gjerë. Deri më tani, Ekatra e ka testuar procesin dhe programin e të mësuarit në thuajse 800 nxënës.

Call-a-Kahaani

Call-a-Kahaani përdor histori dhe një platformë zanore ndërvepruese (Interactive Voice Response – IVR) për t’u dhënë nxënësve aftësi jetësore dhe një mendësi për të mësuar vazhdimisht.

Kjo teknologji është e aksesueshme duke përdorur çfarëdolloj telefoni celular apo fiks, pa qenë e nevojshme lidhja me internetin, që e bën ideale për të depërtuar në zona me pak apo aspak infrastrukturë dixhitale. Nxënësit aksesojnë histori të rrëfyera në katër minuta të ndërthurura me pyetje, të cilat përdoren për të vlerësuar nevojat e të mësuarit dhe ndikimin. Nxënësit nxiten të ndajnë historitë e tyre në platformë dhe të ndërveprojnë me të tjerët.

Historitë ndërvepruese dhe sfidat synojnë të ndërtojnë aftësi në procesin e pavarur të vendimmarrjes, duke i ekspozuar studentët ndaj vendimeve dhe zgjedhjeve të bëra nga protagonisti dhe ndikimit që kanë. Call-a-Kahaani deri më tani ka marrë 22 mijë telefonata, me kohën totale që arrin në 34 mijë minuta në telefonata, nga më shumë se 15 shtete në të gjithë Indinë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0