Spark.me shpall 10 gjysmëfinalistët e Startup Competition 2016


Skuadra organizatore e Spark.me, një nga konferencat më të mëdha të marketingut/internetit në Europën Juglindore e cila do të mbahet më 28-29 Maj në Budva të Malit të Zi, ka publikuar një listë të 10 startupeve më të mira të cilat janë ftuar për të prezantuar në konferencën Spark.me më 28-29 Maj në Budva, Mal i Zi. Skuadra fituese do të ketë shansin unik për të prezantuar projektin e saj para investitorëve dhe mediave lider në TechCrunch Disrupt San Francisco 2016 Startup Alley, më 12-14 Shtator, 2016.

Misioni i Startup Competition i Spark.me është të bëjë bashkë startupe të suksesshme nga e gjithë Evropa, t’i ndihmojë ato të rriten që të ndajnë idetë e tyre me botën. Këtë vit organizatorët morën një numër rekord aplikimesh – 42 skuadra nga 12 shtete.

10 ekipet më të mira të startupeve që ia dolën në gjysmëfinale:

Bee and Me (Mal i Zi),

Craftinity (Poloni),

Drytools (Serbi),

Emily (Kroaci),

Get Hired With Me (Mal i Zi),

HUM app (Kosovё),

Kidster (Mal i Zi/ Serbi),

Letpet.in (Kroaci),

Smart Lumies (Kroaci),

Yorefy (Slloveni).

Kjo është hera e parë që startupet e Malit të Zi përfaqësohen nga një numër kaq i madh në gjysmëfinalen e konkursit të startupeve në Spark.me, që është treguesi më i mirë i rritjes dhe zhvillimit të ekosistemit malazez të sipërmarrjes, gjithashtu edhe i cilësisë së startupeve që marrin pjesë. Një nga qëllimet e .ME, kompanisë që organizon konferencën Spark.me është të inkurajojë dhe mbështesë zhvillimin e skenës së startupeve. Duke parë këto të dhëna, duket se ato janë në rrugën e duhur.

10 gjysmëfinalistë do të prezantojnë startupet e tyre para një jurie ndërkombëtare në konferencën Spark.me. Bazuar në përfaqësimet e tyre dhe seksioneve të Pyetjeve & Përgjigjieve që do të pasojnë, 3 skuadra do të zgjidhen si finaliste për të prezantuar projektet e tyre sërish, gjatë ditës së fundit të konferencës me më shumë detaje. Ekipi fitues do të përfitojë biletat e një udhëtimi me 2 raunde për në San Francisco, akomodimin në hotel për tre ditë (për 2 persona), 2 bileta për konferencën 3-ditore TechCrunch Disrupt San Francisco 2016, dhe shansin që një herë të vetem të troket në derë për të prezantuar dhe diskutuar projektin e tyre me “elitën e teknologjisë”- qindra të ftuarve të konferencës, investitorëve dhe mediave.

Më shumë se 460 njerëz nga 18 shtete janë rregjistruar tashmë për Spark.me. Çmimi i plotë i biletës është 250€, ose 70€ në rastin e një bilete studentore. Biletat mund të transferohen më pas te një person tjetër (“emri ndryshon”), por shuma nuk ripaguhet. Biletat e studentëve janë të disponueshme për personat që janë ende në vitet e studimit, të sapodiplomuarit dhe studentët e PhD deri në 27 vjeç, dhe për ata që do të diplomohen deri në janar 2016. Biletat e Spark.me janëtë vlefshme në faqen zyrtare të konferencës, në www.spark.me.

Spark.me është një nga konferencat më të rëndësishme të Internetit dhe Marketingut që mbahen në Europën Juglindore. Kjo konferencë do të mbahet në datat 28-29 Maj 2016, në Hotel Mediteran, Budva, Mal i Zi. Ky event është zhvilluar çdo vit që nga viti 2013, nga Domain.ME, një kompani private që merret me mbarëvajtjen e domain-it kombëtar malazez-.ME dhe e sponsorizuar nga Crnogorski Telekom (filial i Deutsche Telekom AG). Spark.me sjell historitë më të reja teknologjike, modele biznesi inovative, strategji për rritjen e kompanive teknologjike dhe liderë në botën e biznesit, sipërmarrjes, teknologjisë dhe startup-eve.

 

/Business Magazine Albania

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale