Spanja me rregullore të re për infuencuesit që reklamojnë kriptomonedha - Business Magazine Albania

Spanja me rregullore të re për infuencuesit që reklamojnë kriptomonedha

Spanja ka shpallur rregulla të reja për mënyrën sesi influencuesit e mediave sociale dhe individët e tjerë mund të reklamojnë asetet e kriptomonedhave, raporton Reuters. Duke filluar nga muaji i ardhshëm, Komisioni Kombëtar Spanjoll i Tregut të Letrave me Vlerë (CNMV) do t’u kërkojë individëve dhe kompanive që ta njoftojnë atë të paktën 10 ditë përpara se të kryejnë fushata për asetet kripto.

Rregullat hyjnë në fuqi për influencuesit me më shumë se 100,000 ndjekës, të cilët paguhen për të promovuar kriptomonedhat, një praktikë që ka tërhequr kritika dhe madje edhe padi në mbarë botën.

Sipas Reuters, reklamuesit e kriptomonedhave do të duhet të zbulojnë përmbajtjen e fushatave të tyre të ardhshme në CNMV dhe ata duhet të përfshijnë paralajmërime për rreziqet e asaj që po shesin. Rregullat janë krijuar për të lejuar CNMV të monitorojë ekosistemin e marketingut rreth aseteve të kriptomonedhave dhe të sigurohet që audienca të jetë e vetëdijshme për rreziqet.

Lexo edhe: Kim Kardashian dhe të famshëm të tjerë akuzohen për mashtrim në tregun e kriptomonedhave

CNMV ka përdorur mediat sociale për të paralajmëruar rreziqe të reklamimit të kriptomonedhave. Në nëntor, Komisioni iu përgjigj një postimi në Twitter nga futbollisti Andrés Iniesta pasi ai promovoi shkëmbimin e kriptomonedhave Binance, duke e paralajmëruar atë se “kriptoasetet, duke qenë produkte të parregulluara, mbartin disa rreziqe të rëndësishme”. (Ishte e paqartë nëse Iniesta ishte paguar për promovimin e kësaj kriptomonedhe.)

Kriptomondhat dhe reklamimi i tyre në mediat sociale janë të dyja fusha me paqartësi të konsiderueshme rregullatore dhe kombinimi ndonjëherë  ka rezultuar probematik. Rregullat e reja të CNMV nuk do t’i ndalojnë influencuesit që t’u flasin ndjekësve të tyre për kriptomonedhat, por ata do ta lejojnë agjencinë të monitorojë më afër se çfarë ofrohet saktësisht.

theverge 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0