SpaceX si rrallë herë blen startup-in Swarm për të plotësuar ekipin e tij të Starlink - Business Magazine Albania

SpaceX si rrallë herë blen startup-in Swarm për të plotësuar ekipin e tij të Starlink

SpaceX

SpaceX po blen startup-in e rrjetit satelitor amerikan Swarm Technologies, sipas një njoftimi në Komisionin Federal të Komunikimeve (FCC).

Swarm ka lëshuar 150 satelitë të vegjël SpaceBEE me kosto të ulët në orbitë për të transmetuar internet broadband tek klientët në Tokë, një model i ngjashëm me Starlink, shërbimin e internetit satelitor të SpaceX.

Starlink ka gati 100,000 përdorues dhe 1,650 satelitë në orbitë.

Si pjesë e marrëveshjes, kompania e Elon Musk do të marrë kontrollin e liçencave të stacioneve satelitore dhe tokësore të Swarm dhe startup -i do të bëhet një degë e drejtpërdrejtë dhe në pronësi të plotë të SpaceX, thuhet në njoftim.

Kjo është një marrëveshje e rrallë për SpaceX, e cila zakonisht bën satelitët dhe raketat e veta. Kompanitë nuk i zbuluan kushtet dhe detajet financiare të marrëveshjes.

Lexoni: Starlink, rrjeti satelitor i Elon Musk do të shpërndajë internet në gjithë botën brenda pak javësh

Swarm ra dakord për një marrëveshje bashkimi me SpaceX më 16 korrik. Marrëveshja do të kombinojë aftësinë e të dy kompanive për të “ofruar shërbime satelitore novatore që arrijnë në pjesët e pambrojtura dhe të paarritshme të botës”, thuhet në njoftim.

“Shërbimet e Swarm do të përfitojnë nga kapitalizimi më i mirë dhe qasja në burimet në dispozicion të SpaceX, si dhe sinergjitë që lidhen me blerjen nga një ofrues i shërbimeve të projektimit, prodhimit dhe lëshimit të satelitit.”

SpaceX do të përfitojë nga “qasja në pronësinë intelektuale dhe ekspertizën” e Swarm, dhe burimet e ekipit të startup-it.

Swarm, me seli në Mountain View, California, u themelua në vitin 2016 dhe njoftoi se shërbimi i tij i internetit u aktivizua në shkurt, sipas një raporti të TechCrunch.

Shërbimi i internetit satelitor i SpaceX, Starlink, nisi testin e tij beta në tetor.

/businessinsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0