South Outdoor Festival është një festë e gjithçkaje që mund të shijohet jashtë në natyrë. Ai manifeston sportin, kulturën, traditën, muzikën, natyrën dhe kuzhinën. Mbledh aktivitetet më të njohura në natyrë në një event 4-ditor dhe zhvillohet çdo vit në Borsh, në Shqipërinë e Jugut. Festivali fton pjesëmarrës nga i gjithë vendi dhe e gjithë Europa të bashkohen, të konkurrojnë dhe të argëtohen, të përhapin gëzimin dhe të përjetojnë bukurinë unike të natyrës, ushqimit, kulturës, traditës së rajonit.
Festivali më i madh në rajon!
Me më shumë se 45 aktivitete të ndryshme në natyrë dhe shumë evente të tjera në të gjithë rajonin, South Outdoor Festival është festivali më i madh në Ballkan që promovon turizmin, kulturën, sportin dhe gjithçka që ofron Shqipëria e Jugut. Deri më tani, festivali ka arritur të sjellë në Shqipërinë e Jugut më shumë se 25,000 turistë dhe është vlerësuar të ketë gjeneruar mbi 4,5 Milionë Euro përfitim ekonomik për komunitetet lokale.
29 Prill – 3 Maj 2022, Borsh Albania
Nga data 29 prill deri më 3 maj do të festojmë për 5 ditë këtë edicion të pestë të 5-të të South Outdoor Festival.
Nga mali në det, më shumë se 45 aktivitete në natyrë do t’u ofrojnë mundësinë të gjithë pjesëmarrësve që 45 të eksplorojnë të gjitha bukuritë e Shqipërisë së Jugut.
Do të ketë plot lojëra të tjera që do të zhvillohen në zonën kryesore të festivalit. Më shumë se 50 lojëra për të gjitha moshat do t’ju argëtojnë gjatë fundjavës së festivalit.
Gjithashtu Coolab po bashkëpunon përsëri me South Outdoor Festival, këtë vit me një hapësirë edhe më të madhe. Pas një përvoje fantastike në festivalin e vitit të kaluar menduan jo vetëm të sjellin komunitetin e Coolab, por të gjithë ekosistemin e startup-eve së bashku për disa ditë aktivitetesh në natyrë, muzikë, dhe argëtim.
Gjatë Festivalit (30 Prill) do organizohet një mini Summit gjysem ditor për të mbledhur së bashku gjithe aktorët e ekosistemit teknologjik për të diskutuar në një format ndryshe dhe argëtues. Janë të ftuar të gjithë për të sjellë ide/aktivitete për komunitetet tuaja duke përdorur hapësirën që South Outdoor ka rezervuar.
Kjo është një iniciativë e nisur me bashkëpunimin e organizatorëve të festivalit dhe për eventet nuk ka kosto. Coolab ka një numër biletash të cilat mund t’i sigurojnë pa pagesë ekstra për të gjithë qëndrimin në festival.
Për biletat dhe për më shumë informacion klikoni Këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
