E hëna, 19 janar, supozohet të jetë dita më e trishtuar e vitit, e njohur si “E hëna Blu”. Por, sa i vërtetë është ky pohim?
Edhe pse nuk ka prova shkencore që kjo ditë është më e trishtueshme se të tjerat, stina e dimrit mund të jetë sfiduese për shumë njerëz. Termi “E hëna Blu” u shpik për herë të parë në vitin 2005 nga psikologu Cliff Arnall për kompaninë e udhëtimeve Sky Travel në Mbretërinë e Bashkuar, si një mënyrë për të promovuar pushimet dimërore.
Arnall e llogariti këtë datë, zakonisht të hënën e tretë të janarit, duke kombinuar të dhëna për motin, borxhet, kohën që ka kaluar që nga Krishtlindjet, nivelet e motivimit dhe vendimet e Vitit të Ri. Megjithatë, nuk ka prova shkencore që mbështesin formulën e tij.
Ndërsa “E hëna Blu” mund të jetë një mit, fundi i vjeshtës dhe dimri shpesh sjellin një “sezon blu” më të gjerë, që ndikon tek humori i njerëzve.
Lexo edhe; Reklamat po vijnë në ChatGPT, ja çfarë do të thotë kjo për përdoruesit
Trishtimi dimëror dhe Çrregullimi Afektiv Sezonal (ÇAS)
Shumë njerëz përjetojnë të ashtuquajturin trishtim dimëror, një rënie sezonale e përkohshme e humorit dhe energjisë, e lidhur me stinën më të ftohtë dhe më të errët. Simptomat e zakonshme përfshijnë:
- Humor të ulët
- Probleme me përqendrimin
- Ndjenja e lodhjes
- Humbje interesi për aktivitetet që zakonisht i shijojnë
Shkaku i saktë i ÇAS nuk është i njohur, por ekspertët e lidhin me mungesën e dritës natyrore, e cila ndikon tek kimikatet në trup, si serotonina dhe melatonina, të cilat rregullojnë humorin dhe energjinë.
Si të përmirësojmë gjendjen gjatë dimrit
Sipas Stephanie Davies, eksperte e lumturisë, për të kapërcyer trishtimin dimëror nuk duhen ndryshime drastike, por veprime të vogla dhe të qëllimshme që mbështesin mirëqenien mendore.
Këshilla praktike:
- Dalja për shëtitje jashtë
- Telefonata ose biseda me miq
- Ushtrime të rregullta (edhe 20 minuta në ditë janë të mjaftueshme)
- Ekspozimi ndaj dritës natyrore
- Mbajtja e një ore gjumi të rregullt (7-9 orë gjumë)
- Ambient sa më i ndriçuar dhe, kur është e mundur, terapia me dritë
Bashkëveprimi shoqëror është gjithashtu një antidot i fuqishëm kundër izolimit dhe ndjenjës së trishtimit gjatë muajve të ftohtë. Një bisedë e shkurtër, një mesazh apo telefonatë mund të përmirësojë ndjeshëm humorin.
Edhe pse “E hëna Blu” mund të jetë një koncept i shpikur për marketing, ndikimi i dimrit tek humori i njerëzve është real. Veprime të thjeshta si lëvizja, drita natyrore dhe lidhja me të tjerët mund të ndihmojnë në mbajtjen e energjisë dhe mirëqenies mendore gjatë muajve më të errët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
