Menu që mund ta shikosh, përmes dekodimit, ndaj nuk ke nevojë ta prekësh apo ta shfletosh. Pandemia e ka përshpejtuar këtë nismë të Tony’s, TG International.
Tonet Xhoga, bashkëpronar i TG International, tregon për Businessmag.al se, “ideja jonë për të integruar contactless menu ka qenë e hershme për shkak të lehtësirave, kursimeve, marketingut, brandimit dhe higjienës”. Por, patjetër që pandemia e Covid-19 i ka përshpejtuar gjërat. “Ideja për të gjeneruar të ardhura dhe për të minimizuar humbjet gjatë kësaj kohe na bëri që të implementojmë këtë program tani shpejt”, tha ai.
Projekti ka filluar që para 2 vitesh me vizionin që Tony’s të jetë një zinxhir shërbimesh dhe sistemi delivery të punojë si i pavarur. Sipas Xhogës, sistemi mund të integrohet në disa pjesë të biznesit me lokacione të ndryshme. Zhvillimi i këtij programi konsiston në marketingun dixhital dhe të klientelës në restorant, ku klienti e gjen kodin në tavolinë e skanon e përdor ose e ruan për një moment të dytë.
Lexo: Çfarë duhet të bëni kur njerëzit iu kritikojnë?
Xhoga tregon se, “një nga risitë që ne po punojmë është edhe DINE IN, ku ti e bën porosinë paraprakisht nëpërmjet programit, ku zgjedh produktin që dëshiron, rezervon vendin ku dëshiron të akomodohesh. Gjithashtu, porosia nëpërmjet një tableti në vend të menusë tradicionale. Aplikacioni Tony’s është diçka tjetër që po punojmë, ku programi do të ketë shumë përfitime për klientët”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
