Mark Zuckerberg ka pranuar të vizitojë Parlamentin Europian, thotë Antonio Tajani, kryetari i Parlamentit.
“Themeluesi dhe CEO i Facebook ka pranuar ftesën tonë dhe do të jetë në Bruksel sa më shpejt të jetë e mundur, shpresojmë javën e ardhshme,” tha Tajani të mërkurën në Twitter.
Mark Zuckerberg, Facebook CEO and founder, has accepted our invitation. He will come to the European Parliament. My full statement ⤵️ pic.twitter.com/FdmuDPl8Wb
— Antonio Tajani (@EP_President) May 16, 2018
“Qytetarët tanë meritojnë një shpjegim të plotë dhe të hollësishëm. E mirëpres vendimin e Mark Zuckerberg për t’u paraqitur personalisht para përfaqësuesve të 500 milionë europianëve “.
Vizita mendohet të mbahet javën e ardhshme, me dyer të mbyllura. Zuckerberg do të ketë një takim privat me drejtuesit e grupeve politike të parlamentit dhe disa eurodeputetë të zgjedhur.
Në një deklaratë, Facebook tha: “Ne kemi pranuar propozimin e Këshillit të Presidentit për t’u takuar me krerët e Parlamentit Europian dhe për të vlerësuar mundësinë për dialog, për të dëgjuar pikëpamjet e tyre dhe për të treguar hapat që po ndërmarrim për të mbrojtur më mirë privatësinë e njerëzve”.
/Politico
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
