3D SKAI është kompania e parë e printimit 3D në Shqipëri. Ata ofrojnë shërbime dhe zgjidhje për printimin dhe skanimin 3D, si dhe dizajnin për produktet AM dhe 3D.
Ata janë të specializuar në teknologjitë FDM, SLA dhe SLS për printimin 3D, dritën e strukturuar, skanimin me lazer 3D, fotogrametrinë për skanimin 3D.
SKAITECH është kompania e dronëve në Shqipëri, e themeluar në vitin 2020, me synimin për të definuar cdo të thotë “Prodhuar në Shqipëri”. Kompania ofron një gamë të gjërë shërbimesh, zgjidhjesh dhe produktesh me dron. Nga prodhimi dhe personalizimi i dronëve, deri te riparimi, konsultimi dhe trajnimi, SKAITECH është ofruesi kryesor për dronë në Shqipëri dhe Kosovë.
SKAITECH dhe 3DSKAI ishin pjesëmarrës në panairin Future2tech, ku prezantuan gamën e tyre të produkteve për vizitorët.
Lexo edhe: Zgjuarsi apo e kundërta? Ja çfarë kemi mësuar nga ChatGPT përgjatë 1 viti
Në një intervistë për BusinessMag, Arbi Bamllari, themelues i të dy kompanive u shpreh se ishte hera e parë që kompanitë merrnin pjesë në një panair dhe për më tepër në një panair teknologjie.
“Ne jemi shumë të lumtur që jemi pjesë e këtij panairi. Mendoj që edukimi i tregut me teknologjinë më të fundit, si robotika, dronat, 3d printing apo edhe inteligjenca artificiale më në fund po dëshmohet prej nesh, që ne po sjellim këtë lloj teknologjie edhe në Shqipëri, por ne jemi duke prodhur produkte që të jenë të eksportueshme edhe jashtë si në Europë apo Amerikë dhe jemi duke punuar fort për këtë gjë”- u shpreh z.Bamllari.
Arla Bamllari, përfaqësuese e 3DSKAI dhe SKAITECH shtoi:”Ne kemi sektorin e 3d printing, 3D scaning dhe 3D modeling. Kemi pasur pyetje se si funksionojnë teknologjitë që ne punojmë, interes nga individë për produkte të personalizuara apo edhe me kompani më të mëdha në industrinë inxhinjerike apo arkitekturës, që mund të kemi bashkëpunim të mëtejshëm në të ardhmen. Kemi pasur mundësi që të zhvillojmë kontakte mjaft të mira në këtë panair.”
“Këta dy dronë që po ekspozojmë nga flota jonë janë të kalibrit të parë në Shqipëri.Njëri është për bujqësinë, tjetri është pjesë e infrastrukturës dhe energjisë dhe mendoj që janë dëshmi që ne këto kapacitete tashmë i kemi sjellë edhe në Shqipëri”- përfundoi fjalën z.Bamllari.
Më poshtë gjeni linkun e videos:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
