Dhe ndërsa disa mund të mendojnë se “i pazëvendësueshëm” është një deklaratë shumë e fortë, ka disa njerëz që e bëjnë veten shumë të vështirë për t’u zëvendësuar. Këta janë njerëzit që gëzojnë një avantazh konkurrues sepse janë një pasuri e paçmueshme për çdo kompani. Dhe nuk duhet një menaxher gjenial për t’i njohur këta njerëz. Këto janë 15 sjellje do ju bëjnë juve të pa zëvendësueshëm në ambientin tuaj të punës:
- Ata bëjnë më shumë sesa kërkohet – Një punonjës i mirë jep më shumë sesa maksimumin në ambientin e punës. Ata japin ide dhe gjenerojnë produktivitet.
- Ata kanë aftësi të jashtëzakonshme komunikimi – Ata dinë si të komunikojnë me lehtësi një çështje pa hyrë në qarqe dhe shpjegime të gjata. Ata respektojnë kohën e të tjerëve dhe praktikojnë komunikim efektiv.
- Janë gjithmonë një hap para të tjerëve – Çdo drejtues pëlqen të marrë një seri përgjigjesh pohuese ndaj pyetjeve si “A e dërgove atë email?”, “A i përfshitë edhe detajet”, ndjekur nga fjali të tilla si “Po ashtu, bëra këtë dhe atë dhe…”.
- Ata janë dëgjues dhe vëzhgues të mirë – Ata dëgjojnë dhe nuk i bëjnë të njëjtat pyetje dy herë. Ata dinë të njohin përmbajtje të rëndësishme që janë komunikuar, ta shënojnë atë dhe të veprojnë mbi të. Ata krijojnë vlerë duke parashikuar situatën dhe bëjnë atë që është e nevojshme.
- Ata janë të besueshëm dhe të përgjegjshëm – Kur menaxheri është jashtë funksionit, ai i drejtohet personit të tij të pazëvendësueshëm për t’i lënë detyrat e tij të mëdha në duar të sigurta. Punonjësit e pazëvendësueshëm nuk kanë frikë të marrin përgjegjësi të mëdha sepse besojnë në aftësinë e tyre për të ofruar. Ata janë besnikë.
- Inicojnë – Punonjësit e mëdhenj iniciojnë zgjidhje të reja më të mira. Ata bëjnë rekomandime, ata bëjnë pyetje dhe janë të gatshëm t’i ndihmojnë të tjerët.
- Ata mbushin zyrën me energji të mirë – Pozitiviteti ushqen pozitivitetin. Ata janë miqësorë dhe optimistë edhe në orë të vështira.
- Janë të adaptueshëm – Ata lehtë mund të përshtaten me ndryshimet Këta punonjës thjesht po ngasin valët e ndryshimit, ata nuk i rezistojnë asaj dhe e dinë se ekziston një arsye e mirë për të.
- Janë zgjidhës të problemeve, jo ankues – Ata nuk vijnë vetëm me një problem, por sjellin edhe propozimet për t’u konsultuar në lidhje me veprimet e mëpasshme. Ose më mirë, drejtohen nga parimi “kërko falje, por jo leje” dhe e kanë zgjidhur problemin urgjent në mënyrën në të cilën ishte më e mira në ato momente.
- Janë të vetë-motivuar dhe mund të motivojnë të tjerët – Ata nuk kërkojnë vëmendje dhe motivim të vazhdueshëm. Ata e dinë se çfarë bëjnë dhe pse e bëjnë atë dhe nëse kanë një çështje me motivim ata gjejnë burimin e tyre. Dhe akoma më mirë ata dinë të motivojnë kolegët e tyre.
- Nuk kanë nevojë të mikromanizohen – Ata mund të parashikojnë të gjitha gjërat që duhet të bëhen pa udhëzime specifike të detajuara. Çdo menaxher dëshiron të ketë njerëz që i kushtojnë vëmendje detajeve më të vogla dhe kujdesen për gjërat në lëvizje pa u thënë.
- Përqafojnë sfida të reja – Ata nuk kanë frikë të marrin një sfidë të re në një fushë që nuk është fusha e tyre e specialitetit. Punonjësi i pazëvendësueshëm do të marrë përsipër përgjegjësinë edhe nëse është diçka që ai nuk e ka bërë më parë. Ata janë të gatshëm ta vendosin veten atje pavarësisht se ekziston rreziku i dështimit të mundshëm.
- Janë nxënës të shpejtë dhe mendimtarë të shpejtë – Ata kanë njohuri të thella për kompaninë, produktet e saj, proceset, klientët dhe kulturën. Kur të vijë diçka e re, ata lehtë mund të përpunojnë dhe zbatojnë njohuri të reja dhe ta vënë atë në fuqi.
- E duan punën e tyre – Ata vijnë në punë sepse duan, jo sepse u duhet. Është shumë e pamundur që ka një punonjës të pazëvendësueshëm që nuk e do punën e tij.
- Janë të mirëorganizuar dhe efikas- Ata janë organizatorë të mirë të kohës së tyre dhe ata mund të koordinojnë të tjerët. Drejtuesit e shkëlqyeshëm njohin dhe vlerësojnë njerëzit që praktikojnë të gjitha, ose shumicën e sjelljeve.
Këta janë njerëzit që investojnë kohën dhe potencialin e tyre çdo ditë për ta bërë kompaninë një sukses dhe ata janë njerëzit që çdo kompani dëshiron dhe nuk ka dëshirë të humbasë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
