Sipas një hetimi të ri, kimikate të rrezikshme u zbuluan në 6% të produkteve kozmetike të testuara në 13 vende evropiane.
Agjencia Evropiane e Kimikateve (ECHA) identifikoi 285 produkte që përmbajnë kimikate të ndaluara nga rregulloret evropiane për shkak të rreziqeve të tyre për shëndetin dhe mjedisin. Agjencia inspektoi rreth 4,500 artikuj kozmetikë në Austri, Danimarkë, Gjermani, Finlandë, Islandë, Itali, Lichtenstein, Lituani, Luksemburg, Maltë, Norvegji, Rumani dhe Suedi midis nëntorit 2023 dhe prillit 2024.
Shumë nga përbërësit e ndaluar ishin per ose substanca polifluoroalkil (PFAS) të njohura gjithashtu si “kimikate të përhershme”.
Substancat “janë identifikuar si ndotës organikë të qëndrueshëm ose, bioakumulues dhe toksikë që ndikojnë negativisht në shëndetin e njeriut dhe mjedisin”, sipas një deklarate nga ECHA.
Për shembull, perfluorononyl dimethicone, i gjetur në disa “eyeliners” dhe “lipliners” mund të degradojë në PFOA, e cila njihet për mbetjen në mjedis dhe dyshohet se shkakton kancer.
Cyclotetrasiloxane (D4), i zbuluar në zbutësit dhe maskat e flokëve, është gjithashtu i lidhur me çështjet e fertilitetit, sipas agjencisë.
Lexo edhe: Tuberkulozi është sërish sëmundja infektive më vdekjeprurëse në botë, zbulon analiza
“Konsumatorët duhet të jenë të vetëdijshëm se substancat e kufizuara u gjetën në lloje të ndryshme produktesh kozmetike, nga shitës të ndryshëm dhe në të gjitha kategoritë e çmimeve”, thuhet në deklaratë, duke inkurajuar konsumatorët të rishikojnë listat e përbërësve.
Këto kimikate u ndaluan sipas rregulloreve REACH, një ligj i BE-së për mbrojtjen e shëndetit të njerëzve dhe mjedisit dhe Konventës së Stokholmit për Ndotësit Organikë të Përhershëm (POP).
Pas inspektimeve, autoritetet kanë nisur hapat për të hequr nga tregu produktet që nuk janë në përputhje.
Një hetim i udhëhequr nga media franceze e fokusuar në mjedis, Vert, raportoi disa javë më parë se kozmetika nga Sephora dhe marka italiane Kiko përmbanin PFAS.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
