Si u prit eventi i Apple?

Si u prit eventi i Apple?

~4 minuta lexim


Asnjë produkt i vetëm i teknologjisë nuk ka më shumë ndikim mbi teknologjinë e konsumit sesa iPhone. Pas lançimit të Samsung Galaxy Note 9, kureshtja ishte e madhe për të parë çfarë do të zbulohej në eventin e kompanisë Apple.

Për shumë ishte zhgënjyes, ndërkohë të tjerë ishin entuziastë për të shpenzuar akoma dhe më shumë para në versionet e reja.

Apple ka lançuar dje, në eventin Gather Around, tre modele të reja iPhone, iPhone XS (shqiptohet iPhone 10 S), iPhone XS Max dhe iPhone Xr. Krahas tyre dhe orën e re Apple Watch.

Telefonat ndryshojnë nga parardhësit e tyre nga përmasat, të pajisur me ekrane 5.8 dhe 6.4 inch, dhe një bateri më rezistente. Të dy telefonat janë pothuajse identikë, me përjashtim të madhësisë. Ndërkohë me iPhone X, ata zotërojnë afërsisht të njëjtat karakteristika. Kaq? Një kamerë me e mirë ndoshta? Po çmimi? Flitej se modelet e reja do të kishin një çmim më ekonomik, por në të vërtet iPhone XS kushton 999 dollarë dhe XS Max plot 1149 dollarë për versionin bazë. Ndërsa XR është 250 dollarë më i lirë se XS.

Në tregun e mbipopulluar të smartphone-ëve, përditësimi i tyre me opsione të reja po bëhet i rëndësishëm.

Pjesa më interesante e iPhone-ëve të rinj është përmirësimi i rezistencës ndaj ujit IP68, që do të thotë se telefonat mund të mbijetojnë në 2 metra thellësi deri në 30 minuta. Apple tha se telefonat gjithashtu janë testuar me lëngje të tjera, si kafe, birrë dhe lëng portokalli për t’u siguruar që iPhone-ët e rinj mund t’i mbijetojnë më shumë lagështisë.

Nuk duhet të jesh amerikan për të kuptuar se Apple nuk solli ndonjë risi marramendëse, edhe pse reagimet e tyre kanë qenë të shumta në rrjetet sociale:

https://twitter.com/ACockerillPhoto/status/1039968712009375744

E vetmja gjë për të cilën mund t’i kemi zili pronarët e një iPhone X është bateria jetëgjatë. Ata mund ta përdorin telefonin e tyre gjatë gjithë ditës me një karikim të vetëm.

Megjithatë, shihet se shumë njerëz po i ruajnë telefonat e tyre të vjetër. Koha mesatare, për të zëvendësuar një telefon është rritur nga 20 deri në 29 muaj vetëm gjatë vitit të kaluar.

Përtej pritshmërive, modelet e reja kanë filluar të shiten për të gjithë entuziastët e Apple, ndërkohë ju që nuk keni në plan të bleni gjë mos harroni të update-oni paisjet tuaja me sistetemin e ri iOS 12 në 17 Shtator.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0