Kështu që hapi i parë për të vendosur për emrin , është përcaktimi i rolit të biznesit dhe çfarë prisni të komunikoni nëpërmjet emrit.
Mbani mend se sa më shumë emri juaj komunikon me publikun, aq më pak përpjekje do duhet për të shpjeguar se me çfarë merreni. Sipas ekpertëve, ju duhet t’i jepni prioritet emrave realë ose kombinimit të tyre, pasi njerëzit preferojnë emërtime që mund t’i kuptojnë lehtësisht.
Emrat specifikë kanë kuptim, n.q.s doni të specializoheni në një fushë të veçantë. N.q.s keni qëllime për t’u zgjeruar, ju duhet të zgjidhni një emër për të përshtatur rritjen e biznesit tuaj.
Para se të vendosini për emrin e biznesit, përcaktoni qartë cilësitë me të cilat doni të identifikoheni.
Zgjedhja e emrit
Filloni përcaktimin e emrit të biznesit duke kërkuar në fjalorë, libra, revista për të prodhuar ide. Kërkoni ndihmën e miqve ose familjarëve për t’ju ndihmuar. Sa më shumë mendje, aq më mirë. Kërkoni për emra që i parshtaten sipërmarrjes suaj gjatë kësaj periudhe.
Së pari, emri i kompanisë suaj duhet të jetë i lehtë për t’u shqiptuar. N.q.s njerëzit nuk e shqiptojnë dot emrin e biznesit, ata do ta shmangin për ta thënë atë. Asgjë nuk mund të jetë më kundër produktive se sa kur një kompani e re humb mundësinë për t’u reklamuar nëpërjmet rretheve shoqërore.
N.q.s keni si qëllim për ta zgjeruar biznesin tuaj ndërkombëtarisht ose jeni vendosur në një zonë shumëgjuhëshe, ju duhet të siguroheni që emri i kompanisë nuk ka kuptime negative në gjuhët e tjera. Gjithashtu sigurohuni që emri juaj mos të lërë hapësirë për t’u kthyer në një objekt humori.
Interbrand, një kompani këshilluese për zgjedhjen e emrit të bizneseve, kërkon nga sipërmarrësit një studim të mirë të tregut. Funksioni kryesor i emrit të një biznesi është pët të bërë dallimet nga lojtarët e tjerë të tregut. Detyra juaj është të zgjidhni një emër që t’ju dallojë nga të tjerët. N.q.s zgjedhja juaj ngjason me emrin e një kompanie tjetër bëni mirë ta eliminoni si mundësi.
Pasi keni bërë një studim tregu, vendosni të zgjidhni 4-5 emra që janë të lehtë për t’u kujtuar, shqiptuar dhe mund të lexohen lehtësisht. Hapi tjetër është regjistrimi i markës suaj. Ky regjistrim është i rëndësishëm për t’u siguruar se nuk ka asnjë kompani tjetër me emrin tuaj dhe të shmangni ndonjë konflikt në të ardhmen. Imagjinoni sikur një kompani tjetër të ketë një emër të përafërt, ajo mundet t’ju hedhë në gjyq dhe të rrezikojë falimentin tuaj. Një shpenzim i vogël në fillim, mund t’ju shpëtojë biznesin nga konflikte me të tjerët.
Analiza përfundimtare
N.q.s jeni me fat, ju do të keni gjetur tre deri në pesë emra që i kalojnë testet fillestare. Si do të vendosni për emrin përfundimtar? Së pari, rikujtoni kriterin kryesor tuajin. Kush nga këto emra i përshtatet objektivit të biznesit që do të hapni? Cili nga këto emra përshkruan më mirë kompaninë që keni në mendje ? Cilin nga këto emra preferoni më shumë?
Ju mund t’i besoni intuitës suaj ose ta testoni emrin e përzgjedhur në fokus grupe. Gjithashtu mund të merrni opinionet e miqve tuaj. Lexoni emrin e kompanisë me zë të lartë, për të parë se si do të duket në reklamat televizive ose radiofonike në të ardhmen.
Pasi të keni zgjedhur emrin e biznesit , filloni të ndërtoni me entuziazëm sipërmarrrjen. Përzgjedhja e emrit është hapi i parë i ndërtimit të identitetit të biznesit tuaj.
Ky artikull u botua më parë në Entrepreneur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
