Si të veproni nëse dikush ju prezanton me dikë të rëndësishëm për biznesin tuaj? - Business Magazine Albania

Si të veproni nëse dikush ju prezanton me dikë të rëndësishëm për biznesin tuaj?

prezantim

Hillel Fuld, ekspert në fushën e startupeve 

Lidhja me njerëzit është në themel të çdo biznesi. Qoftë me një gazetar, një investitor, një partner të mundshëm apo këdo tjetër. Mënyra më e mirë për t’u lidhur me njerëzit është përmes një prezantimi. Gjithmonë mund të telefononi dikë pa njoftim, por duke pasur një ndërmjetës të besueshëm do të jeni gjithmonë më efektive. Ndaj, mos e lini një prezantim biznesi në inbox-in tuaj. Kthejeni atë në një takim.

Çfarë duhet të bëni pasi të merrni një e-mail nga një mik që po ju prezanton me dikë?
Këtu janë tre gjërat e para që duhet të bëni:

1.Para së gjithash, shprehni mirënjohjen për prezantimin.

Për fat të keq, arsyeja e shëndoshë dhe mirësjellja nuk janë aq të zakonshme.

Sapo dikush – le ta quajmë atë person David – ju prezanton me dikë tjetër – le ta quajmë Jennifer – faleminderoni David-in për prezantimin. Por, mund të shkoni më tej.

Po ju tregoj një histori të shkurtër: Një miku im erdhi për të vizituar Tel Aviv-in nga Nju Jork-u. Ai më kërkoi ta prezantoja me njerëz të tjerë, të cilën do ta bëja me kënaqësi.

Gjatë ditëve në vijim, fillova të shihja foto në mediat sociale të mikut tim nga  takimet që kishte, të gjitha si rezultat i prezantimeve të mia.

Ajo që ai duhet të kishte bërë, ishte të më falënderonte pas çdo takimi, për të më njoftuar që prezantimi im çoi në atë takim.

Mirënjohja vlen shumë kur dikush bën gjithçka për t’ju prezantuar me dikë tjetër, ndaj mos harroni ta falënderoni.

Sigurohuni që emaili juaj fillestar i falënderimit të përfshijë disa lavdërime për personin që ju prezantoi.

Përsëri, disi e qartë dhe ndoshta e parëndësishme, por rrallë bëhet siç duhet.

Pasi të keni marrë prezantimin nga David, përgjigja juaj fillestare e emailit nuk duhet të jetë diçka si “Faleminderit, David dhe hej, Jennifer. Le të njihemi e takohemi”.

Në vend të kësaj, provo diçka të tillë si “David, ti je më i miri. Ti bën prezantimet më të mira. Përshëndetje Jennifer, kam dëgjuar gjëra të mrekullueshme për ty. Do të doja të t’ju telefonoja ose të dilnim për një kafe. A je dakord dhe nëse po, kur është më e mira?”

Lexo: 9 thënie motivuese nga Michael Jordan

Le ta analizojmë përgjigjen.

Para së gjithash, ju lavdëruat Davidin, gjë që ju bën të dukeni mirë me Jenniferin dhe e bën Davidin të dëshirojë t’ju prezantojë edhe më shumë njerëz.

Një element i rëndësishëm në atë email është që nuk i latë gjërat abstrakte. Ju keni një kërkesë specifike, për t’u njohur më tej. Gjithashtu, e bëni më të lehtë për Jennifer që të përgjigjet, pasi e keni pyetur nëse dëshiron të takohet dhe kur.

Njerëzit nuk kanë kohë për t’iu përgjigjur një email-i të gjatë, prandaj shkruani sa mw pak dhe saktë dhe përfundoni me një pyetje specifike që është e thjeshtë për t’u përgjigjur.

Pyesni se cila është koha më e përshtatshme për t’u takuar dhe më pas dërgoni një ftesë kalendarike.

Nëse po flasim për një skenar në të cilin Jennifer kërkoi të prezantohej me ju, duhet të jetë ajo që do të ofrojë fleksibilitet se kur do të takoheni, dhe sado e parëndësishme që të duket, duhet të jetë ajo që dërgon ftesën në kalendar.

Përndryshe, nëse i kërkoni Davidit t’ju prezantojë me Jennifer-in, duhet të ofroni fleksibilitet dhe duhet të dërgoni ju ftesën.

Përsëri, kjo mund të tingëllojë e parëndësishme, por mendoni: Nëse kërkon të më takosh dhe më pas të më kërkosh ta organizoj unë ftesën kalendarike, thjesht ngjan pak e çuditshme.

Në fund të fundit, pa prezantime në biznes, nuk do të ketë përparim, por edhe nëse dikush ju prezanton me një klient të mundshëm, përgjigja juaj ndaj atij emaili mund të bëjë ose prishë një marrëveshje në varësi të mënyrës se si përgjigjeni.

INC

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0