Tanimë jetojmë në një kulturë, e cila vlerëson të punuarit 24/7. Por, njerëzit nuk janë makineri dhe ne nuk mund të presim që të bëjmë disa punë njëherësh pa bërë fare pushim. Ndonjëherë, çelësi për të bërë më shumë punë në më pak kohë, është që herë pas here të ndaloni plotësisht së punuari.
Rimëkëmbja nga “burnout” është shumë më e vështirë dhe kërkon më shumë kohë sesa të bësh përpjekje për ta parandaluar atë. E thënë thjesht, sa më mirë t’i përshtasni pushimet në orarin tuaj të punës, aq më mirë do të performoni. Shmangia e “burnout” është një angazhim i përditshëm, kështu që këtu do të gjeni disa këshilla kyçe për ta luftuar atë.
Kujdesuni për veten (duke filluar nga nevojat tuaja bazë)
Flini mjaftueshëm, pini ujë mjaftueshëm, bëni aktivitet fizik!
Të gjithëve na është thënë t’i praktikojmë këto zakone në jetën tonë të përditshme, por sa shpesh i ndjekim? Kujdesi për veten mund të jetë aq i thjeshtë sa të flini një orë shtesë, të pini një gotë më të madhe ujë ose të bëni një pushim 10-minutësh.
Në fakt, sipas Qendrës Kombëtare për Informacionin Bioteknologjik, aktviteti fizik nxit rritjen e trurit, përgjigje më të forta të neuroneve ndaj stimujve, minimizon përkeqësimin mendor të lidhur me moshën dhe përmirëson kujtesën.
Dilni jashtë!
Natyra është e fuqishme, veçanërisht në lidhje me mirëqenien tonë. I ftohti, i nxehti, me diell, me borë… ajri i pastër do t’ju bëjë mirë edhe nëse nuk është klima juaj e preferuar. Një shëtitje e shpejtë, duke e lënë diellin të shkëlqejë në fytyrën tuaj ose thjesht duke marrë disa minuta për të dëgjuar tingujt jashtë mund t’ju ndihmojë të relaksoheni për të përmirësuar produktivitetin në punë.
Bisedoni me një mik ose koleg (për një temë që nuk lidhet me punën)
Dëgjoni muzikën tuaj të preferuar
Përdorni një aplikacion meditimi
Freskoni kafen tuaj (ose merrni një smoothie nëse jeni duke kërkuar diçka më bio)
Përqafoni krijimtarinë tuaj! Mbani një ditar, vizatoni, kërceni… bëni çfarë të doni
Dhe një nga këshillat tona të domosdoshme: Shijoni disa momente të thjeshta heshtjeje! Mbyllni derën e zyrës, fikni laptopin dhe kaloni pak kohë duke riformuluar mendimet tuaja për pjesën tjetër të ditës përpara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
