Nëse jeni i vetëpunësuar ose nëse punoni remote, atëherë mund të keni tashmë një mini-zyrë ekzistuese në shtëpi. Në këtë artikull ju sjellim disa këshilla se si të punoni nga shtëpia me gëzim dhe me fokus tek produktiviteti.
- Vishuni çdo mëngjes
Vishuni në mëngjes, sikur bënit kur shkonit për në zyrë. Lejojini vetes më shumë rehati se zakonisht, por shmangni qëndrimin me pizhame gjithsesi. Kjo do t’ju ngrejë humorin dhe do të doni të bëni punë produktive.
- Sajoni këndin tuaj të zyrës
Identifikoni një cep ose dhomë të rehatshme, të qetë. Sigurohuni që aty të keni gjëra të dobishme si në zyrë, të ndiheni rehat dhe të pajiseni me çdo mjet që të punoni në qetësi dhe me produktivitet.
- Përcaktoni kufijtë
Nëse nuk keni shumë që po punoni nga shtëpia, atëherë ju duhet të informoni familjen tuaj për disponueshmërinë tuaj. Vendosni kufij të arsyeshëm, sipas natyrës së punës suaj. Nëse keni fëmijë të vegjël, ata mund ta kenë të vështirë ta kuptojnë këtë.
- Siguria online
Interneti ka kërcënime dhe rreziqe, prandaj sigurohuni që të mbroni pajisjen tuaj ndërsa trajtoni informacione të rëndësishme në shtëpi. Punëdhënësit ka të ngjarë të vendosin udhëzime për këtë qëllim dhe mund të sigurojnë software të përshtatshëm për të bashkëpunuar me anëtarët e ekipit në mënyrë efektive.
Lexoni: Warren Buffett: Ju mund të rrisni lumturinë tuaj të përgjithshme duke bërë 1 zgjedhje të thjeshtë
- Krijoni një to-do list dhe një not-to-do list
Krijoni një listë të gjërave që duhet të bëni dhe një listë të atyre që nuk duhet të bëni. Filloni me detyrat më të rëndësishme / urgjente për të siguruar përfundimin e tyre në kohë. Kur e ke herën e parë që punoni nga shtëpia, mund t’ju duket mjaft sfiduese, sidoqoftë me organizimin e duhur, çdo gjë është e mundur!
- Çaktivizoni njoftimet
Çaktivizoni njoftimet e panevojshme, veçanërisht ato për mediat sociale. Dëgjoni muzikë ndërsa punoni, pasi muzika mund të jetë një motivues i shkëlqyeshëm.
- Jini praktikë
Shmangni kryerjen e shumë detyrave përnjëherë pasi kjo mund t’ju bëjë të mos jeni produktivë. Përpiquni që kur realizoni detyrat tuaja, të bëni ato detyra që janë të ngjashme së bashku.
- Kujdesuni për veten
Shmangni burn-out. Bëni pushime të rregullta, lini pak kohë për të pirë një kafe ose çaj, mbani një dietë të shëndetshme, ushtrohuni, pini shumë ujë, flini si duhet, shijoni kohën me familjen, telefononi një mik, praktikoni një hobi dhe gjithçka tjetër që ju duhet për të qenë të lumtur dhe të shëndetshëm.
Të punosh nga shtëpia nuk duhet të jetë një makth. Me planifikimin, organizimin dhe zbatimin e duhur, ju mund ta bëni në mënyrë argëtuese dhe produktive.
/tips
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
