Si të pasurit bëhen të pasur? - Business Magazine Albania

Si të pasurit bëhen të pasur?


Epictetus ka thënë: “Mirëqenie nuk do të thotë të kesh pasuri të shumtë, por të kesh të ardhura të mjaftueshme.”

Dhe ai ka të drejtë… por kjo nuk i ndalon njerëzit të kenë dëshirën për të qenë të pasur. Edhe pse ne të gjithë mendojmë dhe kemi qëllime të ndryshme, ne të gjithë synojmë drejt mirëqenies, të paktën deri në një farë pike, sipas llogarive tona.

Pra si mund të bëhesh i pasur?

Një burim tregues është: “The 400 Individual Tax Returns Reporting the Largest Adjusted Gross Incomes“, një raport që botohet herë pas here nga IRS.

Statistikat e Ndarjes së të Ardhurave nga IRS kanë disa të dhëna interesante të fshehura në të gjitha listat dhe tabelat.

Për shembull, në vitin 2014 duhen 126 milionë dollarë për të kryesuar në 400-en e më të pasurve. Një shifër kjo më e lartë nga viti 2013 ku duheshin 100 milionë dollarë dhe shumë herë më e lartë se viti 2009 me 77.4 milionë dollarë.

Të ardhurat nga të cilat pasurohen pjesëtarët e 400-es janë:

• Pagat 4.47%

• Interesat: 4.24%

• Dividenti: 10.89%

• Ortakëria: 16.24%

• Fitimet e kapitalit: 65.16%

Më shumë se gjysma e të ardhurave vijnë nga shitja e kapitalit. Disa prej tyre janë të ardhura nga aksionet e investimeve ndërsa pjesa tjetër vjen nga shitjet dhe interesat.

Çfarë nënkupton kjo?

• Të punosh për të marrë rrogë nuk do t’ju bëjë të pasur.

• As të ardhurat nga investimet e vogla.

• As nga investimet për aksionet “blu”.

• Të gjenerosh një sasi të madhe të ardhurash financiare.

Të dhënat mbështesin qëllimin e këtij artikulli. Një total me mbi 4500 taksapagues ia kanë dalë të jenë pjesë e 400-ës në vitet 1992-2014, por vetëm 29% prej tyre shfaqen më shumë se dy herë dhe vetëm 3% më shumë se 10 herë.

Të bëhesh i pasur në terma monetare është rezultat i investimeve tek vetja dhe tek të tjerët, të ndërmarrësh risqe, të bësh shumë punë të vogla në mënyrën e duhur dhe më pas të bësh diçka të madhe shumë mirë.

Konkluzioni?

Në qoftë se do të bëhesh i pasur, fillo një biznes. SOT.

/Inc.com

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0