Si të ndaloni përdorimin e fjalëve plotësuese si “atëherë”, “ëm”, “dmth” gjatë fjalimit tuaj? - Business Magazine Albania

Si të ndaloni përdorimin e fjalëve plotësuese si “atëherë”, “ëm”, “dmth” gjatë fjalimit tuaj?


Shpesh herë na e vënë në dukje që gjatë fjalës sonë themi vazhdimisht fjalë plotësuese, pasi tashmë kjo është bërë pjesë e zakonit tonë të të folurit, si për shembull, “atëherë”, “ëm”, “dmth”.

Ndërsa përdorimi i moderuar në një mjedis të rastësishëm mund të jetë i dobishëm, këshillohet të shmangni përdorimin e tepruar, veçanërisht në një mjedis profesional. Nëse jeni duke përdorur shumë fjalë plotësuese, është koha ta ndaloni këtë zakon.

Lexoni: A e dini se njerëzit e gjykojnë inteligjencën tuaj në bazë të tonit të zërit dhe sesa shpejt flisni?

Në një mesatare ne i përdorim këto fjalë të paktën 3 herë në 100 fjalë që flasim. Kjo mënyrë bën që çdo folës të duket si jo professional dhe madje pak i çuditshëm, kështu që ka ardhur koha që ju ta largoni këtë zakon jo të mirë të të folurit.

  • Metoda me duartrokitje

Së pari, zbuloni se sa shpesh ju i përdorni këto fjalë plotësuese me metodën e duartrokitjes.

Kërkojini dikujt që është i afërt me ju që të trokasë duart sa herë që përdorni një fjalë plotësuese. Kjo mund të duket e çuditshme në fillim, por me kohën do të mësoheni me të dhe ju do ta keni më të thjeshtë që të kuptoni se sa fjalë plotësuese përdorni gjatë bisedave tuaja të përditshme.

  • Metoda e regjistrimit të vetes

Nëse ndiheni jo komfortë që t’i kërkoni dikujt që të trokasë duart, ju mund të regjistroni veten me telefon gjatë një bisede. Më vonë dëgjojeni veten për të parë se sa fjalë plotësuese keni përdorur gjatë bisedës.

Si mund ta rregulloni këtë gjë?

Në shumicën e rasteve, njerëzit përdorin fjalët plotësuese në mënyrë që të kenë kohë për mendimet e tyre. Në ato momente në vend që të përdorni fjalët plotësuese, përpiquni të bëni një pauzë të shkurtër.

Paula Statman, trajnere për të folurin thotë se: “Duhet të trajnoni veten që të toleroni një pauzë më të gjatë dhe t’i thoni vetes se ju nuk do të humbni vëmendjen dhe respektin e njerëzve të tjerë.”

Është gjithashtu e rëndësishme që të menaxhoni ankthin kur ju flisni. Shumica e njerëzve përdorin fjalët plotësuese në mënyrë të pandergjegjshme kur flasin në publik që të fshehin ankthin dhe sikletin e tyre.

Lexoni: Si të paguhesh për të dhënë fjalime në publik?

Kur flsni në publik ose kur bëni një prezantim mundohuni që të fokusoheni se si fjalët tuaja do të ndihmojnë audiencën.

Dhe mos harroni praktika ju bën perfektë. Sa më me vetëbesim të jeni gjatë fjalimit tuaj, aq më pak fjalë plotësuese do të përdorni gjatë prezantimit tuaj. Herën tjetër që do të keni një prezantim “ëm” ju duhet … “dmth” të praktikoheni.

burimi: BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0