Shkruar nga Kostandin Feshti
Të gjithëve na vjen një moment ku duam të bëjmë ndryshime tek vetja. E ndryshimet më të mëdha i dedikohen peshës.
Pesha e tepërt nuk shkakton tek ne vetëm pasiguri psikologjike. Ajo bëhet objekt se si njerëzit po na shikojnë, apo nëse njerëzit po na paragjykojnë dhe thonë “Ku shkon ky/kjo kështu?!”.
Por, sigurisht, pesha e tepërt, efekte më të mëdha e më të dëmshme i ka tek shëndeti ynë. Tek ai shëndeti për të cilin shkojmë e vizitohemi tek doktori. Të jesh mbipeshë nuk ka ndonjë problem të madh deri në momentin kur ky shëndet i tepërt fillon të të shkaktojë probleme në zemër, veshka, mëlçi etj.
Por, pse të presim këtë moment për të ndryshuar diçka që duhet ndryshuar, për të mirën tonë.
Nuk besoj tek dietat ekstreme apo ushqimet me proporcionet sa një gjilpërë. Por, besoj tek këto dy mënyra hollimi:
- Aktiviteti Fizik
Nuk jam unë i pari që e thotë këtë gjë. Por, pasi e provova vetë e besoj si një fakt totalisht të vërtetë. Aktiviteti fizik mbi të gjitha të forcon. Jo vetëm duke të dhënë muskuj, por të forcon dhe organizmin e brendshëm, duke të “trajnuar” për të përballuar më shumë ngarkesa dhe për të qënë më i shkathët. Më pas, aktiviteti fizik të djeg dhjamin dhe madje arrin në pikën ku të tonifikon dhe trupin duke të bërë të dukesh si një “fit person” i vërtetë.
Lexoni: 5 Rregullat e të ushqyerit mirë
- Të ngrënit shëndetshëm dhe çdo vakt.
Të hash vetëm një vakt në ditë apo të hash vetëm një sallatë, nuk do të thotë se do të të hollojë apo do të të ofrojë një trup të shëndetshëm, pasi organizmi ka nevojë të ushqehet. Këtu hyn në lojë “të ngrënit shëndetshëm”.
Në qoftë se doni të humbisni peshë, por në të njëjtë të kohë mos ndiheni vazhdimisht nën trysnin e të humburit peshë, ushqehuni me të gjitha ushqimet. Hani edhe mishin, hani edhe patatet e skuqura, por rrallë herë, pasi mos harroni që po mundoheni të humbisni peshë. Pra, mos e privoni veten nga ushqimet, por krijoni një axhendë të ngrëni dhe mos e teproni me masën e ushqimit.
Lexoni: Ushqehemi shëndetshëm?! Ndiqni këto këshilla
Në momentin që ndiheni të ngopur, çohuni nga tavolina dhe mos vazhdoni më, pasi i shkaktoni vetes dëme të panevojshme. Dhe nëse keni arritur një pikë ku duhet të dobësoheni shpejt, pasi keni arritur një pikë ku nuk mban më, iu rekomnadoj perimet. Perimet e ziera janë një zgjidhje e shëndetshme për t’u holluar shpejt, por të shoqëruara me produkte si mishi i bardhë i pulës ose peshku (salmoni është një zgjedhje ideale). Në këtë formë, nuk do të keni ndjesinë e urisë, por në të njëjtën kohë as sikur e tepruat.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
