Ka shumë shembuj njerëzish të cilët nuk kanë pasur rrethanat e duhura, por kanë arritur shumë sukses.
Disa kanë lindur në vende të thella, të pashpresa, disa të tjerë në familje pa të ardhura etj, por është pikërisht besimi në vete që i ka bërë të suksesshëm. Pra, ju nuk jeni i vetmi që rrethanat nuk ju favorizojnë. Duke menduar kështu do gjeni forcë dhe ju të përballeni me gjithçka për t’ja dalur.
- Bëni një listë me gjërat që keni arritur, sado të vogla qofshin ato. Kështu do filloni të vlerësoni pak nga pak veten. Gjithashtu shkruani synimet tuaja, le të jetë ky një sekret i vogël me veten dhe bëni gjithçka mundeni për t’i arritur.
- Kaloni kohë vetëm me veten tuaj. Në këtë mënyrë do reflektoni dhe do qetësoheni psikologjikisht. Njihni qenien e mrekullueshme që gjendet brenda jush dhe luftoni për t’i kthyer besimin.
- Respektojeni veten sepse nëse nuk e bëni, nuk do ta bëjë askush tjetër për ju. Dështimet janë normale dhe këta dështime nuk duhet të vënë në diskutim vlerat tona.
Lexo: Pesë hapa për të motivuar punonjësit
- Ne si qenie njerëzore e gjykojmë veten në bazë të standardit të përsosmërisë absolute. Në fakt, ajo që ka më shumë rëndësi është të përpiqesh. Beso se mundesh, përpjekja juaj do ju bëj të fitoni besimin në vete, duke ju bërë të ndiheni me vlera.
- Shikoji të tjerët në sy dhe prano veten. Shpesh herë gjendemi para asaj që ne duam të jemi dhe jo para asaj që ne jemi vërtet. Kështu humbasim besimin e personalitetit tonë. Ti je një qenie unike dhe joperfeksioni yt të bën perfekt, ndaj ndihu mirë dhe trego atë ç’ka vërtet je.
- Duaj veten tënde ashtu siç do të doje të ishe i adhuruar nga të tjerët. Nëse doni veten tuaj, do menaxhoni më mirë emocionet, do flisni me me besim, do keni më shumë autoritet dhe kështu do fitoni besimin në vete.
- Mos xhelozoni! Fokusohuni tek vetja dhe tek sukseset tuaja. Nese përqëndroheni tek të tjerët do humbisni dhe më shume besimin në vete dhe nuk do mundeni kurrë të jeni të suksesshëm.
- Vishuni bukur! Krahas gjendjes së brendshme psikologjike, një faktor tjetër që ju ndihmon të fitoni besimin është veshja juaj. Përpiquni të visheni bukur, me stil, me ngjyra, ashtu siç ndiheni brenda vetes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
