Si ta lëmë punën në zyrë - Business Magazine Albania

Si ta lëmë punën në zyrë


Kris, menaxher i një studio design-i në New York nuk mund të fle. Mëndja e tij vazhdon të jetë e lidhur me objektivat e tij në zyrë. Katrina, menaxhere e produksionit në një shtëpi botuese ka tendencën të shpërqëndrohet nga emailet e punës në tavolinën e darkës.

Ata nuk janë të vetmit që kanë vështirësi në ndarjen e punës me pjesën tjetër të jetës. Sipas një studimi 7 vjeçar mbi performancën e punonjësve, paaftësia për të bërë të mundur këtë ndarje shihet si njw nga 10 situatat më stresuese që një profesionist mund të kalojë gjatë jetës së tij. Teknologjia gjithashtu ka patur ndikimin e saj, duke e bërë zyrën tonë vetëm një ekran më larg. Si mund të bëjmë një punë më të mirë, duke lënë atë çka i takon mjedisit të punës në zyre, më mënyrë që niveli i stresit në jetët tona të jetë më i ulët?

Para se të lini zyrën:

Bëni një detyrë të shkurtër.

Qoftë kjo një telefonatë, firmosja e një dokumenti ose t’i përgjigjeni një emaili. Në këtë mënyrë ju e përfundoni ditën pozitivisht dhe do t’i jeni mirënjohës vetes që arritët të bënit dhe një detyrë tjetër dhe po ashtu, do të keni një detyrë më pak mëngjesin tjetër.

Shkruani një listë të gjërave që duhet të bëni

Këtë mund ta bëni në letër ose në një mënyrë dixhitale. Rëndësia e tyre mund të ndikojë dhe në renditjen që do të bëni. Organizimi i punës shihet si një ndër tre aftësitë më të rëndësishme në vendin e punës, duke ju ndihmuar shumë dhe në produktivitetin tuaj.

Sistemoni vendin e punës

Të punuarit në një vend të rregullt, do t’ju ndihmojë në përqëndrimin tuaj dhe detyrimisht në punën tuaj. Tufat e letrave dhe rrëmuja në tavolinë, shpeshherë kthehen në shkak për të tërhequr vëmëndje nga puna, si dhe nga objektivat tuaja.

Zgjidhni një veprim specifik për të mbyllur ditën e punës.

Ky veprim mund të jetë thjesht mbyllja e derës së zyrës, madje dhe kompjuterit. Pas këtij veprimi ju duhet t’ja bëni të qartë vetes që dita juaj e punës ka mbaruar. Kjo do t’ju ndihmojë në kontrollin e gjendjes tuaj emocionale pas përfundimit të orëve të punës.

Filloni mbrëmjen pozitivisht

Në momentin që arrini në shtëpi, përveç pyetjeve të thjeshta përpiquni të hyni në brendësi të bisedave me familjen tuaj. Përpiquni të kuptoni se çfarë kanë arritur gjatë ditës, duke u angazhuar kështu në bisedë.

Kjo strategji me 5 hapa, kërkon një përpjeke minimale dhe mesatarisht 15 minuta në ditë për t’u ndjekur. Edhe pse disa nga hapat mund të mos duken të panjohura, kombinimi i tyre do sjellë me siguri ndryshim në jetët tuaja, qoftë gjatë orarit të punës edhe pas tij.

Ergys Kosovrasti

HBR

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0