Si sillen turistët e çdo kombi, kur vendosin për një udhëtim të ri?

Si sillen turistët e çdo kombi, kur vendosin për një udhëtim të ri?


Kombe të ndryshme kanë zakone të ndryshme në lidhje me udhëtimin kur bëhet fjalë për buxhetin, kohëzgjatjen e qëndrimit, zgjedhjen e një destinacioni apo akomodimi, sipas hulumtimit të bërë nga agjencia online e udhëtimit Expedia.

Hari Nair, Global VP pranë Expedia Media Solutions, shpjegoi për “Mumbrella Asia Travel Marketing Summit” se biznesi tashmë ka një pasuri të dhënash në sajë të 95 milionë përdoruesve unikë të grumbulluar çdo muaj.

Expedia në një anketim të bërë me 8,000 njerëz gjatë vitit 2017, mes tyre 1000 të anketuar nga Australia, Kanadaja, Kina, Franca, Gjermania, Japonia, Britania e Madhe dhe SHBA, zbuluan se shumica e udhëtarëve kanë nevojë për ndihmë për të vendosur se ku do të shkojnë.

“Udhëtarët janë tepër të pavendosur se ku dëshirojnë të udhëtojnë. Në fakt, ata na bërtasin duke thënë: “Ne kemi nevojë për ndihmë,” tha Nair, duke vënë në dukje se udhëtarët kinezë janë më të pavendosurit, ndërsa gjermanët “e dinë saktësisht se çfarë duan“.

Lexoni: Qytetet më të shtrenjta për udhëtime biznesi në 2017

Hotelet janë preferenca numër një për udhëtarët japonezë, ndërsa amerikanët dhe kanadezët janë tifozë të vendpushimeve gjithëpërfshirëse. Europianët, nga ana tjetër, tentojnë të favorizojnë akomodimin ‘alternativ’ – Nair sugjeroi se kishte një tregues të numrit të udhëtarëve që qëndronin me familjarët ose në shtëpitë e pushimit që ata zotëronin.

Australianët janë shumë më të pavarur kur bëhet fjalë për rregullimin e planeve të tyre të udhëtimit, shtoi ai. “Australia veçanërisht e konsideron si shumë të rehatshme që të shikojnë drejtperdrejt në faqet e hoteleve ose në linjat ajrore.”

Përdorimi i të dhënave është çelësi për marketerët në hapësirën e udhëtimit, pasi çdo gjë fillon me zemrën dhe mendjen e udhëtarëve dhe me kujtimet që ata dëshirojnë të krijojnë ndërsa udhëtojnë.

burimi: warc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0