Google ka bërë investime shumë-milionë dollarëshe në themelimin, infrastrukturën e internetit dhe energjinë e pastër. Por sfida më e madhe ka qenë zgjedhja për inteligjencën artificiale në kërkim. Këtë e thotë shefja e investimeve dhe presidentja e Google, Ruth Porat.
“Sfida më e madhe është aplikimi dhe evoluimi i AI në kërkim,” tha Porat në Konferencën Reuters NEXT. “Po i takojmë njerëzit aty ku duan të takohen. Është e jashtëzakonshme.”
Porat përmendi se ishte bukur të shihte që Google Search kalonte nga “10 lidhje blu” në përmbledhje të shkruara nga AI që shfaqen në krye të kërkimit. Ky është një ndryshim i madh nga ndërfaqja e vjetër. “Po vazhdon të evoluojë,” tha ajo.
Google nisi të prezantojë përmbledhjet e bazuara në AI në SHBA në Maj. Pothuajse menjëherë, gjërat filluan të shkonin keq. Rezultatet e kërkimit me AI shpesh ishin të pasakta, duke i thënë përdoruesve të hanë gurë ose të bëjnë salcë pice me ngjitës jo-toksik.
Google rregulloi burimet për përmbledhjet me përmbajtje AI. U largua nga faqet si Reddit dhe u fokusua tek faqet me njohuri të specializuara, si Runners World.
Tani është e qartë se Google do të vazhdojë të shtojë më shumë veçori të AI në kërkim, edhe pse kjo është një lëvizje e rrezikshme.
Lexo edhe: Elon Musk bëhet personi i parë në botë me pasuri neto prej 400 miliardë dollarësh
Javën e kaluar, CEO i Google, tha në Samitin DealBook të New York Times se Google Search do të ndryshojë ndjeshëm vitin e ardhshëm. Modelet e AI do të bëhen më të avancuara. Kërkimi do të jetë në gjendje të trajtojë pyetje më komplekse se kurrë më parë.
“Mendoj se do të habiteni edhe në fillim të vitit 2025 për llojin e gjërave që kërkimi mund të bëjë krahasuar me sot,” tha ai.
Google ka 89.98% të pjesës së tregut të motorëve të kërkimit global, sipas Stat Counter. Konkurrentët si Bing dhe Yahoo! mbajnë vetëm 3.94% dhe 1.24%, përkatësisht.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
