Si mund të ktheni ditën tuaj në një ditë të bukur. Ja një teknikë e thjeshtë


Çdo ditë është e vyer. Ndaj, ka teknika me disa elementë për ta bërë ditën tuaj të bukur. Më poshtë keni disa sygjerime:

1.Pyesni veten se çfarë ju bën të ndiheni keq. Kushtojuni vëmendje imazhit, zërit apo fjalëve që ju vijnë në mendje.
Mos harroni emocionet tuaja janë sinjale alarmi që duan t’ju tregojnë se cilës gjë duhet t’i kushtoni ndoshta më shumë vëmendje. Çdo emocion i brendshëm lidhet me një imazh të brendshëm, është i lidhur me një tonalitet zëri apo me fjalët që i flisni vetes.

2. Kërkoni mesazhin që ky X emocion ju përçon.
Emocionet negative janë thjesht transmetues të mesazheve që dërgohen nga truri për t’ju thënë që diçkaje t’i kushtoni vëmendje. P.sh. nëse jeni një ditë para një takimi të rëndësishëm dhe diçka ju shqetëson, atëhere subkoshienca mund të dojë t’ju thotë: “Sigurohu që je përgatitur”.

Lexo: Çfarë është Programimi Neuro-Linguistik?

3. Pasi merrni këtë mesazh, veproni!
Nëse marrim shembullin më sipër, ndoshta ju duhet të përgatisni një list të gjërave që keni për të thënë dhe nëse diçka nuk e keni të qartë, shiheni edhe një herë.

4. Pas kësaj bëni një dalje, që ky/këto mesazhe mos të kthehen përsëri.
Unë vetë me metodologjinë e Programimit Neuro Linguistik kam mësuar sesi ta zvogëloj imazhin që më shfaqet brenda mendjes sime. Si?Mbyllini sytë, imazhit hiqini çdo ngjyrë, zvogëlojeni sa më shumë, ndoshta sa një qindarkë dhe me mendjen tuaj dërgojeni sa më larg, aq sa të bëhet si një pikë e vogël, aq sa të zhduket në largësi. Nëse ky imazh vazhdon të shfaqet, do të thotë se ju duhet të punoni shumë më tepër me veten për të gjetur arsyen e vërtetë, këtu fillon procesi i ndryshimit, i cili do kohën e vet.

5. Programoni të ardhmen që ju dëshironi
Në fund imagjinoni një event, takim apo çfarëdo që ju pret, hap pas hapi ashtu si do donit ju të ndodhte. Nëse marrim përsëri rastin më sipër, unë krijoj në mendjen time një film sikur po e shoh në një ekran gjigand kinemaje, me ngjyrat që dua unë, me lëvizjet, fjalët perfekte që unë dua dhe e shoh këtë film nga fillimi deri në fund (si hyj në këtë takim, cila është gjuha ime verbale që përdor, po ajo joverbalja, çfarë them, si buzëqesh etj), pra një film me fund të lumtur.

Pra, në fund gjithë procesi është i pastër, i thjeshtë dhe shumë efektiv.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale