Si kursejnë njerëzit më të pasur në botë?

Si kursejnë njerëzit më të pasur në botë?


Dolly Parton ngrin mbetjet. Sarah Jessica Parker vesh fëmijët e saj me rroba të falura nga persona të ndryshëm. Dhe Warren Buffett, një nga njerëzit më të pasur që ecën në planetin tonë, paguan për ushqimin në McDonald’s me kupona.

A janë këto zakone të çuditshme të njerëzve të pasur dhe të famshëm? Aspak. Ato përfaqësojnë mënyrën se si këta milionerë dhe miliarderë kanë fituar dhe ruajtur pasurinë e tyre: duke menaxhuar paratë në mënyrë efektive, efikase dhe me maturi.

Ne të gjithë mund të mësojmë sekretet e tyre për të mos shpenzuar në mënyrë të pandërgjegjshme. Ja disa prej tyre:

Jetoni poshtë mundësive

Buffett hyri në shtëpinë e tij të tanishme në fund të viteve 1950. Pas blerjes për pak më shumë se 30,000 dollarë, ai u vendos aty dhe nuk lëvizi më. A mund të përballojë ai disa shtëpi pushimi ose një rezidencë të madhe? Sigurisht që po. Megjithatë, ai nuk është i interesuar të lëvizë.

Manjati i biznesit meksikan Carlos Slim Helú ndjek të njëjtin parim të jetesës me kursim. Ai nuk ka ndërruar banesë për katër dekada. Përsëri, zgjedhja e tij për të mos bërë shumë zhurmë dhe për të mbledhur pasuri të patundshme personale, i ka siguruar atij statusin e miliarderit. Bëni mirë që dhe ju të ulni koston tuaj të jetesës.

Investoni në një makinë të arsyeshme

Mos prisni ta shihni Mark Zuckerberg duke ngarë një Ferrari. Sipas Business Insider, themeluesi kursimtar i Facebook preferon të shkojë nga një pikë në një pikë tjetër me Volkswagen GTI e tij, pa u mburrur me makinën sportive të kuqe që zotëron 800 kuaj fuqi nën kofano.

Vlerësoni prakticitetin në metodën tuaj të transportit. Sipas Carfax, automjetet mund të zhvlerësohen deri në 25% në vit. Shpenzoni pak dhe përpiquni të mbani rrotat tuaja në rrugë për aq kohë sa të mundeni.

Fluturoni me economy class

Business dhe klasi i parë mund t’ju tundojnë përtej besimit, por zgjedhja më e mirë do të ishte economy class. Edhe Ingvar Kamprad, themeluesi i fundit i Ikea, fluturoi duke kursyer.

Ai besonte se vetëm për shkak se ai mund të bënte diçka nuk do të thoshte se ai duhej ta bënte atë, dhe kjo përfshinte dhe udhëtimin me avionët luksoz.

Përdorni kupona

Kuponat dhe uljet e ndryshme që ofron nga dyqanet për blerje, janë një mënyrë e mirë për të mos bërë shpenzime të panevojshme. Kartat e anëtarësimit ju ndihmojnë për të përfituar në mënyrë të zgjuar. Po ashtu ju mund të  përdorni dhe aplikacione të ndryshme si My Vodafone, i cili ofron dyfish shpërblim për blerje në dyqane të caktuar. Mos mendoni do të dukeni të varfër, ka shumë njerëz të pasur që e praktikojnë këtë metodë.

Suksesi financiar përfshin më shumë sesa thjesht rritje në detyrë apo kapjen e një jackpoti. Rruga për t’u bërë dhe qëndruar për një kohë të gjatë i pasur përfshin marrjen e vendimeve të mençura qoftë dhe ditore.

/INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0