Makineritë po bëhen çdo ditë e më të zgjuara, por inteligjenca artificiale ende nuk është në lartësinë e entuziasmit të krijuar te disa prej kompanive më të mëdha të teknologjisë në botë.
Inteligjenca artificiale mund të shkëlqejë në detyra specifike, siç është loja e shahut, por ajo ka probleme për të kryer disa detyra njëherësh. Një shtatëvjeçar ka inteligjencë shumë më të gjerë se çdo sistem i sotëm i AI.
“Algoritmet e AI janë të mira për t’iu qasur detyrave individuale, ose detyrave që përfshijnë një shkallë të vogël ndryshueshmërie” tha për CNBC Edward Grefenstette, një shkencëtar kërkimor në Meta AI.
“Sidoqoftë, bota reale përfshin potencial të konsiderueshëm për ndryshim, një dinamikë të cilën ne nuk jemi në gjendje ta kapim brenda algoritmeve tona të trajnimit,” shtoi ai.
Studiuesit e inteligjencës artificiale kanë filluar të tregojnë se ekzisojnë mënyra për të përshtatur në mënyrë efikase metodat e trajnimit të AI me ndryshimin e mjediseve ose detyrave. Ai beson se do të ketë më shumë aplikime industriale dhe shkencore të këtyre metodave të këtë vit.
Lexo edhe: Ja përse po bëhet gjithmonë e më e vështirë të provoni se nuk jeni robot
Ndërsa AI ka ende një rrugë të gjatë përpara se të arrijë inteligjencën e nivelit njerëzor, ajo nuk i ka ndaluar kompanitë si Google, Facebook (Meta) dhe Amazon të investojnë miliarda dollarë për të punësuar studiues të talentuar të inteligjencës artificiale, të cilët potencialisht mund të përmirësojnë gjithçka nga motorët e kërkimit dhe asistentët e zërit për aspekte e të ashtuquajturit “metaverse”.
Antropologia Beth Singler, e cila studion inteligjencën artificiale dhe robotët në Universitetin e Kembrixhit, tha për CNBC se pretendimet në lidhje me efektivitetin dhe realitetin e AI në hapësirat që tani po etiketohen si metaverse do të bëhen më të zakonshme në vitin 2022.
Singler paralajmëroi gjithashtu se mund të ketë “shumë pak diskutim” në vitin 2022 për efektin e metaverse në “identitetet, komunitetet dhe të drejtat” e njerëzve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
