Coding Academy në Berlin, Bruksel dhe Tiranë ka shtyrë deri në muajin Mars 2019 afatin e regjistrimit për të rinjtë. Regjistrimet në Coding Academy pranohen deri me 14 Mars, ndërsa mësimi fillon me 18 Mars.
Drejtues të Epitech bëjnë të ditur se 75% e të regjistruarve në Coding Academy kanë arritur të kalojnë testin.
Armend Tahiraj, Drejtor i Përgjithshëm i Epitech Balkans, thotë se së shpejti do të ketë një ditë të hapur, ku të gjithë të interesuar mund të marrin informacione konkrete rreth këtij programi intensiv, që ju jep një profesion brenda 22 muajsh.
Teknologjia është fusha më interesante sot, si për dinamikën, edhe për rëndësinë që ka marrë në shoqëri. Me interes është edhe për faktin se programuesit janë ndër punonjësit më të paguar edhe në vendet në zhvillim.
Epitech është universiteti i specializuar në këtë fushë në vendin tonë. Pas një viti të suksesshëm në Shqipëri me pedagogjinë, Epitech ka vendosur të hapë Coding Academy. Kjo akademi ka dy degë: Code & Go, zhvillim programesh (software) dhe Web & GO zhvillim web. Përmes kësaj akademie ju mund të filloni informatikën nga zero njohuri, mjafton të doni punën dhe të ndiqni logjikën.
Coding Academy, përmes një programi prej 22 javësh, siguron një certifikatë që njihet nga shteti francez Grande Ecole du Numerique dhe jep akses pune kudo, pasi përgatit profesinistë të pavarur. Certifikata njihet nga bizneset në gjithë Europën.
Ndryshimi i të ardhmes tuaj profesionale mund të duket i komplikuar. Por Akademia e Kodimit, nga Epitech, ju trajnon në mënyrë efektive në zhvillimin e web.
Lexo: Epitech sjell akademinë e kodimit
Përfaqësuesit e shkollës thonë se me këtë trajnim, ju do të keni sukses në 1) trajnimin profesional, 2) forcimin e aftësive profesionale. 3) Mund të mbështesni kompaninë në transfromimin dixhital, 4) të siguroni një përdorim cilësor të web dhe 5) t’u paraprini zhvillimeve të ardhshme në këtë sektor.
Ndërkohë, kursi ju nxit të provoni nismat tuaja në fushën e sipërmarrjes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
