Nuk është gënjeshtër.
Nga sot, tek qytetarët e sipërmarrjet shqiptare rëndojnë më shumë disa taksa.
Sipas paketës fiskale të vitit 2018, taksa e pronës fillon të llogaritet në bazë të vlerës së pronës dhe jo sipërfaqes së saj. Sipas formulës së re, për familjarët taksa është tashmë sa 0.05 % e vlerës së banesës, ndërsa për bizneset, 0.15% e vlerës. Për të pasur një ide, një banesë me vlerë 10 milionë lekë do të paguajë rreth 500 lekë në muaj.
Ngarkesa e dytë fiskale me bazë të gjerë, është kalimi i një pjese të mirë të bizneseve të vogla, si biznese me TVSH. Nga sot, një prill, të gjitha bizneset me xhiro vjetore mbi 2 mln lekë e kanë të detyrueshme të lëshojnë faturën e TVSH-së. Parimisht produktet e shërbimet mund të jeni deri në 20% më të shtrenjta, ndërkohë bizneset duhet të paguajnë më shumë ekonomistët që u mbajnë bilancet.
Protesta e së shtunës në rrugën e kombit për të kundërshtuar taksën në këtë rrugë, u shoqërua me mbështetje masive mes qytetarëve. Kryeministri Rama pati dy dalje publike përt të kominuikuar se do të ketë diksutime me qytetarët, por duke theksuar njëkohësisht se Qeveria nuk tërhiqet nga taksa e rrugës. Kjo taksë, sipas marrëveshjes deri më tani kushton 2.5 deri në 22.5 euro, në varësi të automjetit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
