Shqiptarët në raport me shitblerjet online


Në një kohë kur teknologjia po zhvillohet me hapa shumë të shpejtë, të gjithë mund të kenë akses në tregun online. Shumë njerëz preferojnë të shmangin blerjet fizike, duke kursyer kohë dhe energji. Kjo për shkak se produktet online janë vetëm një klikim larg. Mjafton të futesh tek website-t apo rrjetet sociale të bizneseve që ofrojnë produkte/shërbime. Mjafton të shkruash të dhënat personale, adresën, të bësh pagesën dhe produkti do të vijë tek dera e shtëpisë suaj, brenda pak ditësh.

Bizneset online janë kthyer në një trend shitblerjesh, sepse ofrojnë lehtësi në veprim dhe përdorim. Këtij trendi nuk i kanë shpëtuar as shqiptarët, të cilët porosisin online brenda dhe jashtë vendit, produkte nga më të ndryshmet. Nuk ka rëndësi ku ndodhesh fizikisht, për t’u futur në tregun online sepse ligji digjital thotë: “S’ka rëndësi ku je, mjafton të duash të punosh”.

Lexo këtu: 6 këshilla për blerjet online

Është e vërtetë që shitblerjet online shkurtojnë kohën dhe distancën gjeografike, por ka ende disa pika skeptike lidhur me to.

Produktet mund të mos vijnë sipas cilësisë së pretenduar, ndodhin vonesa në transportim dhe ai çka mbetet shqetësimi kryesor është mashtrimi në pagesa. Për të parë sesi qëndrojnë shqiptarët në raport me blerjet online Business Magazine Albania po zhvillon një anketë. Rezulatet e studimit do të paraqiten në një artikull të veçantë. Linkun për të plotësuar anketën e gjeni duke klikuar këtu: anketa për blerjet online.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale