Shqiptarët në Kanada, drejt njohjes së pensioneve
Përditësuar së fundmi: 12/03/2018

Shqiptarët në Kanada, drejt njohjes së pensioneve

Share
nga Albana Mucaj
Mar 12, 2018

Shqiptarët në Kanada, janë një hap afër njohjes së kontributeve të dyfishta për efekt pensionesh. Një marrëveshje për njohjen e kontributeve në dy vendet është gati sipas Ministrit të Diasporës Pandeli Majko. Ai ka zhvilluar një takim me Ministrin për Refugjatët, Migracionin dhe Shtetësinë në Kanada, Ahmet Hussen.

Marrëveshja është me interes për shqiptarët në Kanada, ndërsa pritet të hapen rrugë të reja për studentë e sipërmarrës. Gjatë takimit, ministri Hussen ka theksuar se po parashikohet lehtësimi i lëvizjes së qytetarëve, “dhe Kanadaja po ndërmerr një reformë në këtë drejtim”.

Avantazh në këtë rast do të kenë studentët, studiuesit dhe sipërmarrësit që kanë lidhje biznesi në Kanada.

Gjatë vizitës në Kanada, ministri Majko është takuar me sipërmarrës e profesionistë të rinj shqiptarë.

 

 


Evente

Seminar për “Negociatat dhe Shitjet B2B”

Dhjetor 19, 2018
9 AM – 5:30 PM