Këtë vit vlerësohet të ketë pasur një rritje të lehtë të çmimeve për pushimet në Turqi, në veçanti në Antalya. Megjithatë, shqiptarët e kanë ekuilibruar çmimin me prenotime të bëra më herët se vitet e kaluara. Në një intervistë për Businessmag.al, Ornela Zholaj, drejtuese e Global Travel, tregon se shqiptarët vazhdojnë të tregojnë interes të lartë për pushimet familjarë në Antalya.
Si është fluksi i udhëtimeve jashtë krahasuar me një vit më parë dhe cili është trendi i këtij viti?
Trendi vazhdon të mbetet Antalya dhe jo vetëm për Shqipërinë. Këtë vit në Antalya ka një rritje të madhe të turistëve Europianë për pushimet familjare.
Greqia pason me një numër tjetër të konsiderueshëm pushuesish shqiptare. Kjo edhe për faktin e kalimit, ku mundësia për të pushuar drejt Greqisë ka kosto më të lira, nisur nga fakti që udhëtimi bëhet me makinë dhe gamën më të madhe të akomodimeve e ka në formën e B&B, ose apartamente me qera. Resortet në Greqi janë më të pakëta dhe kostot e tyre mund të pëballohen nga një numër jo shumë i madh pushuesish.
Antalya ofron mbi 500 resorte për të gjitha buxhetet, si ato ekonomike edhe ato të nivelit të lartë Luxury.
A ka pasur ndryshime në çmime?
Çmimet e paketave kanë një rritje këtë sezon, por të gjithë në operatorët turistikë përmes fushatave promocionale, kemi këmbëngulur për prenotimet e hershme, gjë që mundëson ulje të konsiderueshme.
Kjo ka pasur efekt si asnjë vit tjetër. Shumica kanë bërë prenotimet për pushimet duke filluar që nga muaji Janar.
Pjesa tjetër që nuk kanë mundur për arsye të ndryshme të prenotojnë, do ta ndiejnë më shumë rritjen e çmimeve këtë sezon.
Cila është koha mesatare që familjet shqiptare zgjedhin të pushojnë jashtë?
70 % e pushuesve preferojnë paketat 1 javore, pasi pjesën tjetër të lejes preferojnë ta kalojnë edhe në jug të Shqipërisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
