Shqipëria siguron 500 mijë doza vaksine. Rreth 20 mijë vijnë në janar - Business Magazine Albania

Shqipëria siguron 500 mijë doza vaksine. Rreth 20 mijë vijnë në janar

doza vaksine

Vendi ynë ka siguruar zyrtarisht rreth 500 mijë dozat e para të vaksinës anti-covid. Përmes rrjetit social Facebook, lajmi u dha nga Kryeministri Edi Rama.

Sipas tij, “vaksina do të jetë falas dhe jo e detyrueshme. Në përfundim të vitit të kaluar dhe në vigjilje të Vitit të Ri, siguruam 500 mijë dozat e para të vaksinës me Pfizer.

Kemi dakordësuar me Akt Normativ për aktivizimin e kontratës. Sasia e dakordësuar do të paguhet fillimisht për 10.700 dozat e para që do të vijnë në javën e tretë të janarit. Mbi 30 mijë të tjerat vijnë në shkurt”.

Lexo: Si Covid-19 po transformon botën e biznesit

Ai theksoi se, “kemi garantuar gatishmërinë e dy vendeve partnere për një total prej 9 mijë dozash në gjysmën e parë të janarit. Operacione solidariteti nga ana e dy qeverive mike, të cilat nuk na lanë vetëm në këto kohëra egoizmi dhe cinizmi të frikshëm për kontinentin ku jetojmë, kur ende nuk dukej drita jeshile që u ndez mbrëmë”.

Diskutimet për sigurimin e sasive të duhura po bëhën njëkohësisht me deklaratat për dhurata të mundshme të një sasie vaksine. Shqipëria planifikon të sigurojë vaksinimin e bluzave të bardha në Kosovë.

Sipas kryeministrit, “Kosovës do t’i dhurojmë një sasi për vaksinimin e bluzave të bardha të spitalit të Prishtinës”. Ai tha se, i ka kërkuar ministres së Shëndetësisë që të flasë me homologun në Kosovë. “Personeli shëndetësor atje do të ketë mundësinë të vaksinohet si të gjithë kolegët në Shqipëri”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0