Shqipëria, për herë të parë në një treg global të produkteve të freskëta - Business Magazine Albania

Shqipëria, për herë të parë në një treg global të produkteve të freskëta

Doni Fruits Albania, kompani lider shqiptare në sektorin e kultivimit, distribuimit dhe eksportit të produkteve të freskëta, merr pjesë si eksportues online në një nga panairet më të mëdha, “IFEMA Madrid 2020” – “Fruit Attraction 2020”. Kjo është ngjarja kryesore në botë për tregtinë globale të produkteve të freskëta.

Panairi “Fruit Attraction”, i cili çdo vit mbledh mesatarisht 2,000 ekspozues dhe 95,000 vizitorë nga 160 vendet e botës, këtë vit do të mbahet më ndryshe nga vitet e kaluara për arsye të Covid-19.  Panairi do të mbahet online dhe do të quhet Fruit Attraction LIVEConect, ku do të mblidhen kompani nga e gjithë bota që veprojnë në sektorin e agrobiznesit si dhe eksport-importit të produkteve të freskëta”.

Fruit Attraction LIVEConnect është një platformë teknologjike dhe sistem i inteligjencës artificiale që është në gjendje të gjenerojë mijëra impakte dhe të rrisë ndërgjegjësimin e markës për kompanitë dhe produktet e tyre midis mijëra blerësve, shpërndarësve dhe tregëtarëve nga 160 vende, duke e përfshirë dhe kompaninë Doni Fruits Albania.

Produktet e Doni Fruits janë të çertifikuara me standarde ndërkombëtare nga programi i mirënjohur për sigurinë e prodhimeve bujqësore të freskëta, Global G.A.P, standard ky i cili rrit besueshmërinë dhe sigurinë për klientët dhe konsumatorët e Doni Fruits.

Kjo është hera e parë që një kompani shqiptare merr pjesë në një panair të përmasave të tilla.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0