Agjencia Shqiptare e Zhvillimit të Investimeve (AIDA), në bashkëpunim me Autoritetin Portual Durrës (APD), po asiston prej shumë kohësh, kompaninë gjigande të shitjes me pakicë, Lidl, në zgjerimin e aktivitetit të saj në Shqipëri. Me më shumë se 12,200 dyqane në 31 vende dhe mbi 376,000 punonjës, Lidl është një nga liderët më të mëdhenj në industrinë e shitjes me pakicë në Evropë.
Lexo edhe: Wizz Air dhe Grupi Kastrati bashkëpunojnë për gjeneratën e ardhshme të pilotëve
Ky investim i rëndësishëm nga Lidl do të sjellë ndryshime të mëdha në ekonominë lokale duke krijuar vende të reja pune dhe duke ofruar mundësi për prodhuesit dhe furnizuesit shqiptarë. Kompania ka identifikuar Shqipërinë si një treg me potencial të madh, duke e vlerësuar për miratimin e lartë të konsumatorëve ndaj produkteve të cilësisë së lartë dhe çmimeve konkurruese që ofron.
AIDA është e angazhuar për të siguruar mbështetje të plotë për Lidl, duke ndihmuar në krijimin e kushteve optimale për fillimin e operacioneve të reja dhe duke kontribuar në zhvillimin ekonomik të vendit. Ky zhvillim është një tregues i qartë i rritjes dhe prosperitetit që mund të sjellë një investim të tillë në Shqipëri.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
