Shqipëria do të ketë tashmë një ligj për sigurinë online dhe menaxhimin e ‘tregut’ kaotik të portaleve online që janë krijuar me shumicë vitet e fundit në vendin tonë.
Shtimi i ankesave të qytetarëve për fyerjet dhe piraterinë online dhe shtimi i portaleve kanë bërë që qeveria shqiptare të përgatisë një ligj për rregullimin e kësaj veprimtarie.
Me ligjin e ri, një portal online do të quhet një biznes online, për të cilin do të aplikohen të njëjtat masa sigurie si me kartën e kreditit.
Ligji ka për qëllim të ndëshkojë shpifjet, mashtrimet, fyerjet, piraterinë dhe vjedhjen online.
Lajmin e njoftoi një ditë më parë gjatë një interviste për ‘Top-Channel’, ministrja e Inovacionit Milena Harito.
‘Çdo person që ndihet i fyer për arsye raciste, ksenofobie, pornografie kundrejt fëmijëve të mund, të raportohen nga personat në çdo portal’, tha Harito.
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
