Shqipëria ka bërë një rritje me 80% të fluksit të fluturimeve krahasuar me të njëjtën periudhë të 2019-ës. Kryeministri Edi Rama ka publikuar në rrjetin social Facebook grafikun e shteteve në rrjetin e Eurocontrol, ku shihet se Shqipëria kryeson listën e vendeve për rritjen e numrit të fluturimeve nga periudha 9-15 gusht të 2023, krahasuar me të njëjtën javë të 2019-ës.
Sipas kreut të qeverisë, këto shifra priten të rriten me hapjen e Aeroportit të ri ndërkombëtar të Vlorës.
“Ja dhe Shqipëria Turistike e para në Europë për rritjen e fluksit të fluturimeve, e pa hapur ende Aeroportin e ri Ndërkombëtar të Vlorës. Kthesa e madhe ka kohë që ka nisur, po ky është viti fantastik i shfaqjes së saj në sytë e të gjithëve, si fakt i pamohueshëm i përpjekjes së gjithanshme të gjithë këtyre viteve, duke u nisur nga vrima e fundit e kavallit”, shkruan Rama.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
