Nisma Kombëtare për Aftësim në Fushën e Inteligjencës Artificiale (AI NSI) shpall me krenari nisjen e AI Fest 2025, eventi më i madh për inteligjencën artificiale në rajon. Festivali do të zgjasë nga 8 prilli deri më 5 qershor 2025, me aktivitetet në Shqipëri që do të zhvillohen në Tulla Center, Tiranë. Ky festival 50-ditor shënon 50-vjetorin e Microsoft dhe përfshin:
16 webinare falas që mbulojnë 9 tema të ndryshme, të dedikuara për profesionistët e IT-së, përdoruesit e biznesit dhe entuziastët e AI-së.
Një tentativë për të vendosur një REKORD BOTËROR GUINNESS™ për numrin më të madh të pjesëmarrësve në sesione online për AI brenda 24 orëve.
Panele frymëzuese, sesione trajnimi, prova certifikimi, dhe shumë të tjera, të hapura për të gjithë.
AI Fest 2025 është pjesë e një nisme globale për aftësim në fushën e AI-së, e iniciuar nga Microsoft në bashkëpunim me organizata si Semos Education, me qëllim rritjen e njohurive dhe aftësive në AI në mbarë botën. Në Shqipëri dhe rajon, kjo nismë organizohet nga Semos Education – partneri zyrtar i Microsoft për trajnime të drejtuara nga instruktorë të licencuar.
Me krenari njoftojmë se Raiffeisen Bank është Partneri Platinum i kësaj nisme në Shqipëri, duke mbështetur inovacionin dhe arsimin digjital në fushën e AI-së.
Ceremonia zyrtare e hapjes së festivalit do të zhvillohet më 8 prill 2025, në orën 09:50 CET, në Tulla Center, Tiranë, e ndjekur nga sesionet dhe webinaret e para live.
Semos Education, qendra lider për trajnime në fushën e IT në Shqipëri dhe Ballkan, vazhdon të vendosë standarde të reja në edukimin digjital dhe të kontribuojë në transformimin digjital të shoqërisë. Me AI Fest 2025, Semos rikonfirmon angazhimin e saj për zhvillimin e aftësive në AI, duke përgatitur individët dhe bizneset për të ardhmen.
Axhendën e plotë e gjeni këtu
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto