Shqipëria u shndërrua këtë javë në qendër të bashkëpunimit ekonomik me Lindjen e Mesme, me një forum të organizuar nga AIDA. Delegacioni i Emirateve të Bashkuara Arabe (EBA), i kryesuar nga Ministri për Tregtinë e Jashtme, Sh.T.Z. Thani Bin Ahmed Al Zeyoudi, përfshiu përfaqësues të kompanive elitare dhe solli mesazhe të qarta për rritjen e investimeve dhe shkëmbimeve tregtare.
Delegacioni u prit në forumin e biznesit nga përfaqësues të rëndësishëm të qeverisë dhe institucioneve publike, me prezencën e z. Sokol Duma, Zëvendësministri i Ekonomisë, Kulturës dhe Inovacionit dhe znj. Laura Plaku, Drejtoresha Ekzekutive e AIDA-s.
Lexo edhe: DFC, fondi shtetëror amerikan për zhvillim, investon në Gjirafa
Investimet arabe në Shqipëri kanë arritur në 52 milionë euro deri në mes të 2024-ës, me një rritje prej 280% vetëm në 2023. Volumi tregtar mes dy vendeve ka prekur 43 milionë euro, me eksportet shqiptare në rritje prej 45.5%.
Eventi përfshiu diskutime strategjike dhe bisedime B2B mes kompanive të fushave si energjia, teknologjia dhe ndërtimi, duke vendosur bazat për projekte të reja. Ndër pjesëmarrësit e delegacionit nga pala e Emirateve të Bashkuara Arabe ishin kompani si Masdar, JAFZA, ADNOC Global Trading, Kumo Industries dhe Oumolat.
Forumi konfirmoi Shqipërinë si një destinacion atraktiv për investime dhe një urë lidhëse drejt tregjeve evropiane, duke hapur rrugën për bashkëpunime të reja dhe një partneritet të qëndrueshëm ekonomik.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
