Shqipëri – Maqedoni, bashkëpunim për të rritur investimet e huaja - Business Magazine Albania

Shqipëri – Maqedoni, bashkëpunim për të rritur investimet e huaja


Në kuadër të krijimit të zonës ekonomike rajonale, të dy vendet po shohin më nga afër mundësitë për të nxitur investimet e huaja direkte, por edhe ato të bërit biznes.

Nga data 2-4 Gusht 2017 në Tiranë do të mbërrijë për herë të parë për një vizitë ekonomike zyrtare Ministri për Investimet e Huaja në Qeverinë e Republikës së Maqedonisë Z. Ramiz Merko, i cili do të zhvillojë takime me Presidentin e Republikës së Shqipërisë Sh.T.Z. Ilir Meta, me kryetarin e Bashkisë së Tiranës Z. Erion Veliaj, me përfaqësues të Dhomave të Tregtisë dhe Industrisë si dhe me disa nga sipërmarrësit më të suksesshëm Shqiptarë.

Gjatë qëndrimit tre ditor në Shqipëri, Ministri Merko do të shoqërohet nga stafi i tij i ngushtë, Zëvendësdrejtori i Drejtorisë për Zona Zhvillimore Teknologjike Industrale Z. Asip Useini, edhe nga Drejtuesi i Zyrës Ndërkombëtare “FM Consulting” Z. Fatos Mustafa.

Për Z. Mustafa kjo vizitë e rëndësishme që zhvillohet në kuadër të krijimit të një zone të përbashkët ekonomike rajonale, të mbështetur nga Samiti i Triestes që u mbajt në korrik të këtij viti do të shërbejë si një mundësi për qeverinë dhe biznesin shqiptar për t’u njohur me modelin e ri të Maqedonisë të të bërit biznes, si dhe me politikat lehtësuese që zbaton qeveria në kuadër të përmirësimit të klimës së biznesit.

Janë parashikuar të zhvillohen takime me Presidentin e Dhomës së Tregtisë dhe Industrisë së Tiranës Z. Nikolin Jaka, me Presidentin e Këshillit të Agrobiznesit Shqiptar Z. Agim Rrapaj, me Presidentin e Agna Group Z. Vasil Naçi, me Presidentin e Mare Adriatik Z. Mark Babani, me Z. Maksim Caslli, Drejtues i Deloitte Albania & Kosovo, me Presidentin e Aiba Kompani Z. Agron Duka, me Presidentin e Green Farm Z. Ferdinant Bani, dhe të tjerë.

Drejtuesi i Zyrës Ndërkombëtare “FM Consulting” Z. Fatos Mustafa tha se kjo është një vizitë shumë e rëndësishme pasi Ministri për Investimet e Huaja në Qeverinë e Maqedonisë Z. Ramiz Merko do të prezantojë modelin e ri të tërheqjes së investimeve të qeverisë ku ai bën pjesë, pjesë e së cilave janë edhe subvencionet që ofrohen për biznesin që investojnë në Zonat Zhvillimore Teknologjike Industriale, por edhe jashtë tyre. Qeveria Maqedonisë, në këto zona ofron një sërë lehtësish që përfshijnë edhe çlirime nga barra fiskale për një periudhë prej rreth 10 vitesh.

Për Shqipërinë, këto zona mund të shihen si modele suksesi që mund të zbatohen dhe të krijojnë kushte për rritjen e konkurrencës së biznesit. “Jemi dy vende që duhet të shohim mundësitë për të bashkëpunuar, për të qenë sa më plotësues të njëri – tjetrit pasi vetëm kështu mund të integrohemi në tregje më të mëdha”, tha Z. Mustafa.

Për Zyrën Ndërkombëtare “FM Consulting” këto takime mes përfaqësuesve të dy qeverive, por edhe të biznesit janë shembulli më i mirë sesi Maqedonia dhe Shqipëria duhet të rrisin më tej bashkëpunimin për të forcuar pozitat e tyre, si dhe për të garantuar më shumë konkurrueshmëri dhe një klimë sa më të favorshme për sipërmarrjen në të gjitha fushat me interes të përbashkët, si industria, turizmi etj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0