Shpresa për paqe, pas takimit Trump Kim Jong Un
Përditësuar së fundmi: 12/06/2018

Shpresa për paqe, pas takimit Trump Kim Jong Un

Share
nga Albana Mucaj
Qer 12, 2018

Paqja është një nga kushtet për zhvillim ekonomik. Pas samitit historik me liderin e Koresë së Veriut, Kim Jong Un presidenti i Shteteve të Bashkuara Donald Trump tha se, “konflikti Korean do të përfundojë së shpejti”.

Trump dhe Kim Jong Un nënshkruan në fund të takimit, një marrëveshje për të bashkëpunuar për denuklearizimin dhe për një regjim të paqes në gadishullin korean.

Sipas dokumentit gjithëpërfshirës,  të dyja palët janë angazhuar të ndjekin negociatat dhe të bashkëpunojnë për zhvillimin e marrëdhënieve dypalëshe.

Presidenti I SHBA-ve, tha gjithashtu se procesi për çarmatosjen bërthamore të Koresë së Jugut, do të nisë së shpejti.

Dokumenti i nënshkruar përmban 4 pika dakortësie.

1- Angazhimi i Partisë Popullore Demokratike të Koresë në denuklearizimin e plotë të gadishullit korean si dhe rikthimi i menjëhershëm i personave të humbur dhe të burgosurve të luftës që janë identifikuar (POË/MIA).

Sipas deklaratës, sekretari i shtetit në SHBA, Mike Pompeo dhe zyrtarët e Koresë së Veriut do të nisin negociatat pas samitit.

Megjithatë, CNN shkruan se, qeveria Koreane, ka deklaruar se do te vlerësojë me kujdes ccfarë nënkupton qëllimi I presidentit amerikan për denuklearizimin.

Dokumenti nuk përmend heqjen e sanksioneve ndërkombëtare që kanë paralizuar ekonominë e Koresë se Veriut, për ndjekjen e programit të armëve bërthamore.

Me gjithë suksesin, Samiti nuk ka “prodhuar” një traktat paqeje.

Korea e Veriut dhe SHBA kanë qenë në krahë të kundërt gjatë luftës koreane të vitit 1950-1953 dhe janë teknikisht ende në luftë, pasi konflikti përfundoi me një armëpushim.

Kina, pala e tretë në armëpushim, deklaroi se synon që të dy vendet të arrijnë në një dakordësi mbi denuklarizimin.

 


Evente

Pastrojmë Durrësin

Gusht 26, 2018
9:30 AM

TEDxTirana 2018 – Lidhshmëria

Shtator 15, 2018
5:30 PM - 8 PM

AllWeb Albania 2018

Tetor 11, 2018
9 AM - 6 PM