Një nga rreziqet në rritje që fëmijët mund të përballen në rrjetet sociale vjen nga një burim i papritur: prindërit e tyre. Shumë prindër postojnë fotografi të fëmijëve të tyre. Por, postimet e fëmijëve, sjellin rreziqe të mundshme për ta.
-Ngacmuesit në shkolla
Shumica e ngacmimeve këto ditë ndodhin në telefon. Fotot mund të përdoren kundër fëmijëve, ndoshta jashtë kontekstit, në të ardhmen. Hulumtimet tregojnë se vajzat janë veçanërisht të ndjeshme ndaj kritikave për përmbajtjen e mediave sociale, sepse shoqëria i gjykon gratë dhe vajzat veçanërisht ashpër për gjëra të tilla: kur nuk janë të veshura në mënyrë perfekte dhe të gatshme për kamerën në çdo foto.
Një perspektivë edhe më e frikshme është mundësia që fotot e postuara nga prindërit mund të tërheqin vëmendjen e kriminelëve. Për shembull, imazhet e fëmijëve mund të merren nga llogaritë e prindërve të tyre dhe të ripostohen në faqet e pedofilëve. Dhe informacionet që postojnë prindërit, si emri i shkollës së fëmijëve të tyre ose fotot e stacionit të autobusit që ata përdorin mund të japin informacion që sulmuesit mund t’i përdorin për t’i gjurmuar ata.
Prindërit duhet gjithashtu të marrin në konsideratë atë që fëmijët mësojnë nga postimet. Nëse fëmijët rriten duke u ndjerë përgjegjës për të pozuar vazhdimisht për foto për të tërhequr vëmendjen e të tjerëve, ata mund të marrin mesazhin se duhet të kërkojnë afirmim të jashtëm, në vend që të fokusohen në nevojat dhe dëshirat e tyre, ose të bëjnë atë që ata mendojnë se është e drejtë edhe nëse është jo e dokumentueshme për audiencat online.
Ky është një mësim veçanërisht problematik për t’u mësuar vajzave, sepse “ato po rriten në një shoqëri ku vajzat dhe gratë gjykohen për pamjen e tyre fizike dhe aftësinë për të kënaqur një audiencë,” tha Leah Plunkett.
Natyrisht, jo çdo postim është domosdoshmërisht i dëmshëm. Fatmirësisht, ka mënyra për të minimizuar rreziqet e mundshme për fëmijët kur prindërit i postojnë në rrjetet e tyre sociale.
Lexo edhe: Këto janë aftësitë e punës që kanë më shumë dhe më pak gjasa të zëvendësohen nga AI
Së pari, prindërit duhet të konsiderojnë postimin e fotove në llogari private. Ata duhet të miratojnë kërkesat që dikush të jetë mik, ose t’i ndjekë dhe ata duhet ta bëjnë këtë vetëm nëse e njohin personin. Sigurisht, ndarja në llogaritë private nuk është e pagabueshme. Përmbajtja mund të hakohet, ose të aksesohet nga stafi i një rrjeti social, ose një nga miqtë e tyre mund të rezultojë jo aq i besueshëm sa pritej. Por, kjo mund të zvogëlojë gjasat që njerëzit me qëllime të këqija të kenë akses në informacionin e fëmijëve. Nëse postojnë publikisht, prindërit mund të konsiderojnë përdorimin e një emoji mbi fytyrën e fëmijës së tyre.
Është gjithashtu e rëndësishme të merret parasysh nëse fotografitë mund të përdoren jashtë kontekstit, ose për të vënë në siklet fëmijët, tani ose në të ardhmen. Përveç kësaj, është një ide e mirë të kufizoni informacionet e ndara. Për shembull, vendi ku ka lindur një fëmijë është një pyetje e zakonshme sigurie që mund të përdoret për të hakuar llogaritë në internet në të ardhmen. Mosndarja e emrave të shkollës së tyre dhe vendeve të tjera që frekuentojnë rregullisht mund ta bëjë më të vështirë për dikë gjetjen e fëmijëve.
Kur ndajnë, ose kërkojnë informacione për tema të ndjeshme si gjendja shëndetësore e fëmijës, prindërit mund të konsiderojnë gjithashtu krijimin e llogarive që nuk përdorin emra të vërtetë në platformat që e lejojnë këtë.
Pra, disa nga rreziqet që fëmijët mund të përballen në internet rrjedhin, shpesh pa dashje, natyrisht, nga sjellja e nënave dhe baballarëve të tyre. Kjo është arsyeja pse është e rëndësishme të postohet me përgjegjësi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
