Shoqata e Transportit Qytetas paralajmëron ndërprerje të shërbimit me 1 Mars nëse nuk ka lehtësim fiskale - Business Magazine Albania

Shoqata e Transportit Qytetas paralajmëron ndërprerje të shërbimit me 1 Mars nëse nuk ka lehtësim fiskale

Shoqata e Transportit Qytetas

Shoqata Kombëtare e Transportit Qytetas ka paralajmëruar se do të ndërpresë shërbimin e transportit urban për kryeqytetasit duke nisur nga 1 Marsi, nëse qeveria nuk miraton kërkesat e saj fiskale.

Ajo i ka drejtuar një letër Kryeministrit Edi Rama, kryetarit të Bashkisë të Tiranës, Erjon Veliaj; Zëvendëskryeministër Arben Ahmetaj; Ministres të Financave dhe Ekonomisë Delina Ibrahimaj dhe Ministres të Infrastrukturës dhe Energjetikës Belinda Balluku.

Shoqata e Kombëtare e Transportit Qytetas kërkon që qeveria të miratojë kërkesën e tyre për politikat fiskale, për të kompensuar humbjet që po shkaktohen nga rritja e çmimeve të naftës. Shtrenjtimi ka rritur kostot për 48% të aktivitetit të tyre.

Në kërkesat e tyre përfshihet rimbursimi i TVSH-së në shitje, heqja e akcizës të naftës 37 lekë/litër, heqja e taksës së qarkullimit në karburant për subjektet e licencuara që ushtrojnë aktivitetin në transportin urban (qytetës) 27 lekë/litër, si dhe rimbursimin e çmimit të biletës për kategoritë (Invalidë pune, të verbër, paraplegjik, tetraplegjik, studentët) të cilët udhëtojnë falas.

Ata kanë theksuar se prej 2020 punojnë për më pak se 55% të numrit të udhëtarëve, krahasuar me periudhën para pandemisë.

Në fund të muajit dhjetor për të kompensuar humbjet nga rënia e frekuentimit, bashkia e Tiranës miratoi 1 milion euro subvencione për transportin urban, me qëllim mbulimin e kostove nga rënia e frekuentimit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0