Shoqata e Lidershipit në Shqipëri dhe Kosovë fiton të drejtën ekskluzive për organizimin e konferencës LEAPin - Business Magazine Albania

Shoqata e Lidershipit në Shqipëri dhe Kosovë fiton të drejtën ekskluzive për organizimin e konferencës LEAPin


Organizata Leadership Development Association Albania & Kosovo në Zagreb të Kroacisë ka lidhur memorandum bashkëpunimi me organizatën Kroate Croatian Office for Creativity and Inovation (Hrvatski ured za kreativnost i inovacije – HUKI) për fituar të drejtën ekskluzive për të bërë organizimin e konferencave ndërkombëtare “LEAPin” në qytetet Tiranë (Shqipëri), Prishtinë (Kosovë) dhe Preshevë (Serbi), pra në vendet ku edhe ka të hapura degët e saj (dega e Preshevës zyrtarizohet këtë muaj).

Ky memorandum shërben që të vendosen bazat e përgjegjësitë mbi organizatën LDA Albania, për të organizuar konferencën ndërkombëtare LEAPin në qytetet e lartëpërmendura për një periudhë pesë vjeçare. Memorandumi ka hyrë në fuqi në momentin e nënshkrimit ndërsa dy personat përgjegjës për zbatimin e tij në Shqipëri, Kosovë dhe Preshevë janë Z. Marilo Meta, President i shoqatës & udhëheqës i këtij projekti madhor dhe Z. Qëndrim Hoxha, CEO në degën e LDA-së për Kosovë & Asistent Ekzekutiv për zbatim të memorandumit në vendet që përmendëm.

Pas kthimit në Shqipëri i pari i LDA-së Z. Marilo Meta është shprehur se është i lumtur që LDA do të ofrojë mundësi për qindra të rinj shqiptarë të ndjekin konferencat LEAPin në Tiranë, Prishtinë dhe Preshevë ndërsa një pjesë e tyre do kenë fatin që të marrin pjesë edhe në samitin LEAP, i cili do të mbahet në marsin e vitit 2020 në qytetin e Zagrebit, ndërsa CEO i LDA-së për Kosovën Z. Qëndrim Hoxha u zotua se do të angazhohet fuqimisht për zbatimin në praktikë të këtij memorandumi pikë pas pike, me vizion të qartë dhe në bashkëpunim të plotë me organizatën HUKI, të cilën edhe e ka falënderuar për bashkëpunimin. LDA po vazhdon përpjekjet e saj maksimale që rininë shqiptare ta mbajë sa më afër Europës si për nga aktivitetet e rinisë, edukimit dhe kulturës ashtu edhe nga pjesëmarrja në evente të rëndësishme si LEAP Summit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0