Shkrimi biznesor duhet të jetë i qartë, bindës dhe i rrjedhshëm. Lexoni shkrimet e Steve Jobsit, Elon Musk-ut dhe Warren Buffett (edhe pse ata nuk kanë aq shumë nevojë të shkruajnë sepse për ta flasin veprat).
Ja çfarë ju këshillojmë për të shkruarit:
- Të shkruash për biznes është sikur të zgjidhësh një problem për klientin. Ju nuk jeni ylli -lexuesi është. Ndihmoni ata të marrin atë që duan, në mënyrë sa më të shpejtë dhe efektive që të jetë e mundur. Ata mund të duan të gjejnë një zgjidhje për një problem të caktuar. Ata mund të duan të binden. Jepuni atyre ҫfarë duan.
- Pretendoni që po dërgoni një email. Ose një mesazh të thjeshtë. Kjo do ta qetësojë mendjen tuaj dhe do t’ju ndihmoj të shkruani më mirë.
- Përmblidheni shkrimin tuaj në një thënie. Nëse thënia nuk është tërheqëse, pjesa tjetër edhe më pak. Thënia ideale e shtyn lexuesin të vazhdojë më tej.
- Dërgojani atë vetes dhe lexojeni në telefonin tuaj. Ju do t’i shihni fjalët tuaja me një sy të freskët, sikur dikush tjetër t’i ketë shkruar ato. Kjo do t’ju detyrojë ta bëni shkrimin tuaj të shkurtër dhe të thjeshtë.
- Filloni me një përmbledhje. Një përmbledhje e mirë e shtyn lexuesin për të vazhduar më tutje.
- Shkrimi është rishkrim. Shkruani mendimet tuaja duke u mbështetur në ndërgjegjen tuaj. Mos u varni nga fjalori apo shqiptimi i duhur. Pasi ta keni përgatitur një draft, kalojeni shumicën e kohës duke rishkruar dhe riorganizuar detajet. Unë ende po i rishkruaj postimet edhe pasi i kam publikuar ato.
- Fshini gjysmën e fjalëve. Thuaj më shumë me më pak fjalë. Ky është shërbimi më i mirë ndaj klientit. “Po të kisha më shumë kohë, do të kisha shkruar një letër më të shkurtër”.
- Shmangni mbiemrat. Përdorni numrat në vend të mbiemrave. Një mbiemër e vërteton që ti nuk i njeh numrat.
- Shqyrtoni çdo fjalë për paragjykim dhe retorikë. Argumentoni anën (kuptimin) e çdo fjale, të paktën për veten tuaj. Mësoni më shumë rreth paragjykimeve këtu.
- Shmagni preferencat e panevojshme në fjalë të caktuara. Fshini idetë dhe frazat e bukura në qoftë se ato nuk e ndihmojnë klientin të zgjidhë problemin e tij.
- Kur t’i mësoni rregullat, thyejini ato. Shkruani me zërin tuaj origjinal. Tregoni një histori. Mësoni se cilat fjalë zgjojnë inspirim për veprim. Por, së pari mësoni si të shkruani në mënyrë të qartë dhe elokuente.
- Shkrimi është një problem dizajni. Shembull: mos përdorni kurrë idiomën e ‘të parëve apo të fundit’. Kjo e detyron lexuesin të kthehet prapa për ta kuptuar se ku po referoheni.
Dieter Rams thotë: “Indiferenca ndaj njerëzve dhe realitetit në të cilin ata jetojnë është në të vërtetë mëkati më i madh në dizajn”.
Sigurohuni që shkrimi juaj është i thjeshtë, i papritur, konkret, i besueshëm, emocional, si kjo deklaratë:
“Unë besoj se kombi i Shteteve të Bashkuara të Amerikës duhet të angazhohet për arritjen e qëllimit, që brenda një dekade ta dërgojë njeriun në hënë dhe ta kthejë atë të sigurt në tokë”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto