Programi trevjeçar financohet nga qeveria Britanike. Ky program parashikon të pajisë mbi një milion nxënës të moshës 10-15 vjeç në gjashtë vendet e Ballkanit, me aftësi si mendimi kritik, zgjidhja e problemeve dhe kodimit. Objektivi i këtij programi është të rritet tek brezi i ardhshëm shpirti novator dhe sipërmarrës, duke krijuar kështu mundësinë për punësim.
“Shkollat e Shekullit 21” parashikon që shkollat e arsimit bazë në Shqipëri, Kosovë, Bosnje, Mal të Zi, Maqedoninë e Veriut dhe Serbi do të pajisen me micro:bit (mikro-kompjuter portabël). Përmes tyre, fëmijët do të marrin aftësi të reja dixhitale dhe koduese në një mënyrë zbavitëse dhe ndërvepruese.
Sfidat për pajisjen e nxënësve u diskutuan gjatë lançimit të programit në Tiranë, në shkollën “Niket Dardani”, nga përfaqësues të British Council, qeverisë shqiptare dhe britanike dhe institucione të tjera.
Ministrja e Arsimit të Shqipërisë dhe i Ngarkuari me Punë i Ambasadës Britanike panë projektet nga 15 shkollat që morën pjesë në konkursin Shkollat e Shekullit 21. Dy fituesit do të përfaqësojnë Shqipërinë në një konkurs rajonal në Beograd në muajin prill, si pjesë e Samitit Dixhital të Vendeve të Ballkanit.
Në Shqipëri janë përfshirë në program 1,200 shkolla me rreth 120 mijë nxënës të moshës 10-15 vjeç.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
