Ministria e Financave dhe Ekonomisë pritet ta orientojë fokusin e shkollave të mesme profesionale drejt teknologjisë së informaciont dhe turizmit.
Gjatë një takimi në Vlorë, Ministrja Delina Ibrahimaj theksoi se do të nisë një reformë për ridimensionimin e arsimit professional, në mënyrë që oferta e të rinjve të kualifikuar të jetë në përputhje me kërkesën. Vitet e fundit kjo kërkesë është më e lartë në sektorin e hoteleri turizmit dhe IT.
Ajo theksoi se, kërkesa është shumë më e madhe se oferta. Do të thotë se ne do të duhet të ridimensionojmë të gjithë ofertën tone, në sektorët ku është më e nevojshme. Sektorët që kanë më tepër nevojë janë turizmi, ku Shqipëria ka një potencial shumë të lartë, teknologjia e informacionit dhe digjitalizimi. Dhe pikërisht për këtë, në Vlorë kemi një shkollë profesionale për turizmin ekonomik dhe një shkollë profesionale me drejtim industrial, ku përfshihet dhe IT. Ne do ta zgjerojmë edhe më tepër këtë degë, pasi jemi të bindur që duhet të investojmë në rritjen e kapaciteteve njerëzore.
Në Shqipëri numërohen 35 shkolla profesionale.
Lexo: Udhëzues për një sipërmarrës që të gjejë mundësi të reja biznesi në Metaverse
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
