Shkollat duhet të konsiderojnë hapjen gjatë pushimeve verore për t’i ndihmuar fëmijët të arrijnë programin mësimor dhe të sigurojnë kujdesin e fëmijëve për familjet që duhet të kthehen në punë.
Anne Longfield, komisionere e edukimit në Britani, tha se nëse mund të lejohen të rihapen, ato mund të jenë jetësore gjatë pushimeve të gjata të verës. “Pavarësisht nëse ato janë të hapura për të gjithë ose jo, shkollat kanë një rol vërtet të rëndësishëm, veçanërisht për fëmijët në nevojë gjatë muajve të ardhshëm.”
Ajo shtoi: “Do të ishte me të vërtetë e vlefshme, nëse këshillat shkencore thonë se munden, që shkollat të shikojnë mundësinë e hapjes në ndonjë formë gjatë pushimeve verore për t’i ndihmuar fëmijët të mësojnë, por gjithashtu t’u ofrojnë atyre një vend të sigurt për të luajtur dhe shoqëruar me miq. Do të sigurojë gjithashtu kujdes jetësor të fëmijëve ndërsa prindërit shpresojnë që të kthehen në punë”.
Catherine McKinnell, deputetja që kryeson komitetin edukativ në parlament, tha: “Anëtarët e publikut kanë qenë veçanërisht të shqetësuar për arsimin – për sa kohë do të mbyllen shkollat, dhe disa kanë pyetur nëse pushimet verore në shkollë do të ndryshohen si rezultat”.
Sidoqoftë, mësuesit i konsiderojnë pushimet verore gjashtë-javore si të panegociueshme. Unioni Kombëtar i Arsimit ka komunikuar me këshillat e anëtarëve të tij shqetësimet kryesore praktike dhe kontraktuale lidhur me plane të tilla.
Udhëzimi tregon se shkurtimi i pushimeve do të thotë pak ose aspak pushim për stafin në shkolla që kanë mbetur të hapura për punëtorët kryesorë dhe fëmijët e cenueshëm, dhe për mësuesit që kryejnë mësimin në internet.
Lexo:Trajnim në menaxhimin e rrjeteve sociale nga ICTSlab
Qeveria ndërkohë ka njoftuar një paketë mbështetjeje javën e kaluar, përfshirë fonde dhe burime shtesë, për të ndihmuar shkollat të merren me sfidat e paraqitura nga koronavirus.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto