Shkolla është një vend ku mësohet dhe ku fëmija rritet. Që nga klasa e parë e deri te provimet e maturës është një rrugë shumë e gjatë për fëmijën tuaj. Edhe pse nuk është e nevojshme të shtoni dozën e tensionit mbi shkollën, është thelbësore t’i jepni të gjithë rëndësinë këtij vendi: në shkollë fëmijët kënaqen duke mësuar, qëndrojnë me të tjerët, kuptojnë se çfarë rruge do të ndjekin në të ardhmen. Për ta bërë këtë gjë, është e rëndësishme t’i jepni vlerë shkollës dhe të mos i transmetoni fëmijëve shqetësimet që lidhen me mësimet. Po ju propozojmë disa sekrete, në mënyrë që fëmijët tuaj të shkojnë me qejf në shkollë…
1-Zgjidhni së bashku mjetet e shkollës. Përzgjedhja dhe gëzimi i blerjeve të reja, jo vetem e parapëgatisin fëmijën për kthimin në shkollë., por edhe i shtojnë dëshirën për t’u kthyer.
2-Rivendosni rutinën e gjumit. Pa dyshim se kjo do të jetë pak vështirë për t’u rivendosur, por e ndihmon fëmijën të kthehet në rutinën normale të gjumit në javët para rifillimit të shkollës dhe kjo do të jetë thelbësore në aftësinë e tyre për t’u përshtatur sa më shpejt me jetën e shkollës.
3-Dëgjojeni fëmijën tuaj. Flisni me të se çfarë ndjenjash i shkakton kthimi në shkollë. Kështu mund ta kuptoni dhe mund ta keni më të qartë se ku duhet ta suportoni.
Lexoni më tepër: Pesë mësime thelbësore vijnë nga libri që ka shitur më shumë se 32 milionë kopje!
4-Jini entuziast kur flisni për kthimin në shkollë. Fëmija juaj i kupton emocionet tuaja, prandaj jini të lumtur dhe të emocionuar që ato të kthehen. Kujtojuni atyre të gjitha gjërat argëtuese, si për shembull të shohin miqtë e tyre, mësimet që u pëlqejnë dhe kohën e lojës. Këto ndjenja pozitive do të fshihen mbi ta dhe do t’i ndihmojnë ata të fillojnë të presin me padurim të kthehen.
5-Jepni kohë që të përshtaten. Kthimi në shkollë mund të sjellë pasiguri, eksitim, lodhje ose emocione të tjera të mëdha. Disa fëmijë mund të duken veçanërisht të lodhur pas ditëve të tyre të para, ndërsa të tjerët mund të jenë më të ndjeshëm ose më pak tolerantë se zakonisht.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
