Shkencëtarët kanë zbuluar se në planetin e Venusit mund të ketë shenja të jetës së huaj. Planeti i cili është fqinji ynë në sistemin diellor mund të jetë një nga vendet më të pamundura për shkak të atmosferës së tij, gati tërësisht i bërë nga dioksidi i karbonit (CO2), është helmues për njerëzit dhe kafshët. Për më tepër, është shumë nxehtë, duke qenë planeti i dytë më i afërt me Diellin, me një temperaturë të vlerësuar prej rreth 465 gradë Celsius (900 gradë Fahrenheit). Por, sipas disa studiuesve, është zbuluar një tjetër gaz që mund të gjendet 50 km lart nga sipërfaqja e planetit dhe nuk mund ta shpjegojnë.
Ai është një gaz i quajtur fosfinë. Kjo i ka çuditur shkencëtarët pasi profesor Jane Greaves dhe ekipi i Universitetit Cardiff ishin të parët që gjetën fosfinë duke përdorur një teleskop të madh në Hawaii. Shkencëtarët janë shprehur që ky planet sot është një sipërfaqe gati pa ujë me temperatura shumë të larta, që shkojnë deri në 450 gradë celcius, prandaj nisur nga këto karakteristika ky i fundit konsiderohet dhe si planeti i vdekur.
Prof Jane Greaves says that the level of phosphine is around 20 parts per billion. Organisms could easily create this amount of phosphine, but they wanted to be really careful and rule out other potential sources of phosphine. #VenusNews
— Royal Astronomical Society (@RoyalAstroSoc) September 14, 2020
Zbulimi interpretohet në mënyra të ndryshme nga studiues të ndryshëm, ku profesor Greaves tha: ‘’Ky ishte një eksperiment i bërë për kuriozitet të pastër, duke përfituar nga teknologjia e fuqishme e JCMT [Teleskopi James Clerk Maxwell] dhe duke menduar për instrumentet e ardhshme. Mendova se do të ishim në gjendje të përjashtonim skenarë ekstremë, si retë që mbushen plot me organizma. Kur morëm aludimet e para të fosfinës në spektrin e Venusit, ishte një tronditje! Në fund, ne zbuluam se të dy vëzhguesit kishin parë të njëjtën gjë, molekulat ndriçohen nga retë e ngrohta poshtë.
LEXO: Shkencëtarët e NASA-s zbulojnë një rezervuar ujor në planetin xhuxh, Ceres
Dr Lewis Dartnell, një astrobiolog nga Universiteti i Westminster, shtoi: ‘’Nëse jeta mund të mbijetojë në kuvertën e sipërme të reve të Venusit, kjo është shumë ndriçuese, sepse kjo do të thotë që jeta është shumë e zakonshme në galaktikën tonë në tërësi. Njerzit nuk do të kene më nevojë për planetë shumë të ngjashëm me Tokën dhe mund të mbijetojnë në planete të tjerë, të nxehtë si ferri, si psh Venusi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto